د مړه کېدو علایم

څرنګه تاسې کولای شې چې د یو کس د مړینې په اړه تاسې له ۱۴ تر ۳ ورځو پورې مخکې وړاندوینه وکړئ ؟ کله چې انسان نن یا سبا مړ کیږي نو له علایمو ډاکټران پوهیږي چې ناروغ څو ساعتونو کې خپله ساه ورکوي.

۱ – تر ټولو لمړی یې سا اخیستلو کې توپیر رامنځته کیږي. په خوله کې یې اوبه زیاتیږي خو تېرولی یې نشي له همدې امله یې ساه اخیستنه کې غر غرهاری زیاتیږي. سا اخیستنه یې ډېره ژوره او کله نا کله له وقفې سره مل وي.
۲ – خالي ادرار یې ډېر کمیږي او یا بندیږي. همداسې غایطه مواد نور نه کوي. د هاضمې سیستم یې کار پرېږدي.
۳ – په پوستکي یې کې خړ رنګه شینوالی، سپین رنګه زېړوالی پیدا کیږي.
۴ – زهني ګډوډي بیانوي، عجیبې غریبې خبرې کوي.
۵ – ډېری وخت شدید درد احساس کوي او د درد نښې او علایم ښکاروي
۶ – خوړو او څښاک کې یې کموالی راځي او کله نا کله موقتا نا څاپه خوراک کوي، خواږه خواړه کله نا کله خوښوي، له اوبو داسې خوند اخلي لکه د اوسپنې.
۷ – ډېر خوب کوي او زیات خوبونه ویني
۸ – د وینې فشار یې کمیږي.
۹ – داسې خبرې او باورونه وایي چې د نورو لپاره نشته وي او یا هغه شیان نه ویني
۱۰ – چاپېریال ته نور غبرګون نه ښي
۱۱ – ځینې وخت کې زړه بدوالی احساس کوي او کانګې کوي
۱۲ – له مړینې څو ورځې مخکې یې ګېډه پړسوب کوي، د خوړو تېرولو کې ستونزه پیدا کوي
۱۳ – له مړینې څو ورځې مخکې نا ارامتیا پکې پیدا کیږي او بالښت، بړستن یا بل څه کش کوي خو له مړینې مخکې یې نا ارامتیا او د نا ارامتیا خوځښت بېرته ښه کیږي.
۱۴ – د بدن تودوخه کې یې توپیر رامنځته کیږي، لاسونه او پښې یې ساړه وي
۱۵ – له نورو څخه ځان ډډې ته کوي، په هر څه کې علاقه له لاسه ورکوي
۱۶ – تبه احساس کوي
۱۷ – د ژوند نښې پکې کمزورې کیږي او سا ورکوي.