په خبرو اترو کې نا ارامه کوونکي عادونه

په خبرو اترو کې ترټولو لوی نا ارامه کوونکی عادت د بل خبرو کې ور لوېدل او مزاحمت کول دي. که چېرې تاسې د بل د خبرو د مزاحمت په اړه پوهه ولرئ نو د دې وړتیا پیدا کوئ چې د خبرو پر مهال هغومره واټن ورکړئ کوم ته چې اړتیا لري او د مزاحمت کولو مخنیوی وکړئ

که چېرې تاسې د تودو خبرو په بحث کې ګډون کړی وي او یو نظر مو احساسات وپاروي نو ډېر امکان لري چې سملاسي د بل خبرو کې ورټوپ کړئ او د صبر کاسه مو نسکوره شي. د خبرو اترو د وړتیا ننګونه او درس په همدې ټکي کې پروت دی. که ستا نظر ډېر ښکلی او سم هم وي د بل په خبرو کې لوېدل ستاسې مقابل لوری ډېر نا ارامه کولای شي. د نورو خبرو کې لوېدل بل ته دا پیغام ورکوي چې ته په دې اند یې چې ستا خبرې او نظر تر نورو غوره دي.

د نورو خبرو کې لوېدل بل ته داسې احساس ورکوي چې تاسې احترام نه ورته لرئ. همداسې که چېرې ته خپل ځان، خپلو خبرو او خپل نظر ته احترام لرې نو داسې وخت کې خپلې خبرې او نظر بیان کړه چې د بل د خبرو وخت نه وي. د بل خبرو کې لوېدل ستاسې فکري وده په بشپړ توګه وژني، له نورو سره مو اړیکې ویجاړوي.

۱- دا زهن کې دا وساته چې ستا چپتیا هم ستا د خبرو په اندازه په بل کې نفوذ کوي او اغیز پرې لري.
۲ – موخه ټاکل او خپل ځانته ته جایزه ورکول : خپل زهن کې داسې ووایئ چې که چېرې نن مې لس ځلې د نورو خبرو کې ورټوپ نه کړ نو ځانته د جایزې په توګه یو کتاب اخلم او لولم یې.
۳ – که چېرې هر وخت مو هېریږي له ځان سره کوچني کاغذ باندې ولیکئ چې د نورو د خبرو پر مهال خبرې نه کوم.
۴ – که چېرې مو د بل د خبرو وخت کې کوم څه د ویلو لپاره زهن ته راشي لنډیز یې په کاغذ ولیکئ او وروسته کله مو چې د خبرو نوبت وي خبرې پرې وکړئ.

کلتوري توپیرونه
په پرمختللو هیوادونو کې ممکن ډېری خلک له دې سره توافق وکړي چې لمړی باید بل ته د خبرو اجازه ورکړل شي تر څو خپل نظر په بشړ توګه بیان کړي او اورېدونکي پرې ځان پوه کړي خو ځینې وروسته پاتې کلتورونو کې، د نورو په خبرو کې لوېدل یا یې خبرو کې ور ټوپ کول زیرکتیا او هوښیاري ګڼل کیږي. همداسې ځینې کلتورونو کې لکه د ایټالیا خلک که چېرې د بل خبرو کې ولویږي په دې مانا ده چې د هغه کس خبرې ورته په زړه پورې دي او نظر کې یې علاقه پیدا کړې، همداسې جاپان کې هغه وخت د بل خبرو کې ور لویږي کله چې د خبرې وضاحت ترې غواړي.

دا اړینه ده چې کلتوري توپیرونو باندې پوه شئ، زهن په دې پوه کړئ چې هر کلتور کې ورته چاره جلا مانا لري خو هېڅکله له چا د کلتوري توپیر په اړه پوښتنه مه کوئ یوازې د بل د درک کولو او پېژندلو تشرېح زهن کې خپل ځانته ورکړئ او د بل په درک کولو ځان ارام وساتئ.