Month: فبروري 2019

په اوکتودونتیدای کورنۍ (family Octodontidae) کې د شخوند وهونکو نسل دی. په سوېلې امریکا کې پیدا کیږي. تر ټولو زیات پېژندل شوی ډول یې عام ډیګو دی. د ډیګو څلور ډولونه پکې شامل دي، یوازې دوه ډولونه یې د شپې لخوا ژوند کوونکي دي. د سوېلې امریکا شخوند وهونکي ژوي دي. په بنسټیزه توګه د اند غرونو په ټیټو غونډیو او ګړنګونو کې پیدا کیږي. د چیل یو تر ټولو عام تی لرونکی ژوی دی کوم چې تر ۱۲۰۰ متره پورې لوړو سیمو کې ژوند کوي. له ډبرو او بوټو سره نږدې هوارو ګیا لرونکو سیمو کې ژوند کول خوښوي. ډېګو غټ سر، غټې سترګې او بې وېښتو غوږونه لري. وزن یې له ۱۷۰ تر ۳۰۰ ګرامه پورې رسیږي او له ۲۵ تر ۳۱ سانتي متره پورې اوږدیږي، له بدن څخه لنډې له ۸ تر ۱۳ سانتي متره پورې اوږدې لکۍ لري. د هرې سترګې لاندې او پاسه زېړ خال لري. د بدن پاسه برخه یې نسواري زېړ او لاندې برخه یې کریمي زېړ رنګ لري، ځینې غړي یې غاړه...

په سپالاکوپوس نسل (genus Spalacopus) کې یوازې یو ډول کورورو (Coruro) شامل دی. په اوکتودونتیدای کورنۍ (family Octodontidae) کې شخوند وهونکی ژوی دی. په مرکزي چیل کې پیدا کیږي. په مختلف ډوله چاپېریال کې د سمندر له غاړې نیولې تر غرونو پورې سیمو کې ژوند کوي. سمڅې وېستونکی دی په کالونۍ کې ګډ ټولنیز ژوند کوي.   تېز نسواري رنګ لري، د بدن رنګ یې په پښو کې تور رنګه شوی وي. وړې سترګې او واړه غوږونه لري. د بدن جوړښت یې د ځمکې لاندې ژوند کولو ته برابر دی. غټ ثنایا غاښونه لري. په مخکینیو پښو کنده باسي او په وروستیو پښو خاوره بهر غورزوي. کله چې په یوه سیمه کې خواړه کم شي په ډله ایزه توګه بلې سیمې ته کډوال کیږي او نور غارونه باسي. په وښو، ریښو او پیاز غوټو ځان تغذیه کوي. ساینسي ډلبندي کېنګډم ژوي فایلم کورډاټا کلاس تی لرونکي ډله شخوند وهونکي فرعي ...

د ډول علمي نوم یې (Aconaemys fuscus) دی. په اوکتودونتیدای کورنۍ (family Octodontidae) کې د شخوند وهونکو یو ډول دی. د ارجنټینا او چیل د اند غرونو په لوړو کې پیدا کیږي. لنډې لکۍ لري. توکو توکو موږکانو ته ورته والی لري خو جوړښت یې لکه د توکو توکو موږکانو په څېر د ځمکې لاندې ژوند کولو ته نده برابر. د تنې پاسه برخه یې تېز نسواري رنګ لري او د تنې لاندې برخه یې له سور رنګه نسواري تر سپین رنګ پورې وي. د سر او تنې اوږدوالی یې له ۵ تر ۷ انچه پورې او له ۲ تر ۳ انچه پورې اوږده لکۍ لري.   اصلي ځای یې په سوېلې امریکا کې د چیل او ارجنټینا د اند غرونو لوړې دي. د بامبو کڼکي یا نی په ځنګلونو کې ژوند کوي. سمڅې جوړونکی دی او خپل غارونه د شبکې شکل کې باسي. د شبکې هر غار تر یو متر پورې اوږدوالی لري. په کالونۍ کې ټولنیز ژوند کوي او خواړه یې ریښې او تخمونه دي. د شپې لخوا فعالیت کوونکی دی خو کله کله د ور...

په اوکتودونتیدای کورنۍ (family Octodontidae) کې د شخوند وهونکو نسل دی. درې ډولونه پکې شامل دي. ساینسي ډلبندي کېنګډم ژوي فایلم کورډاټا کلاس تی لرونکي ډله شخوند وهونکي فرعي ډله هیستریکومورفا کورنۍ اوکتودونتیدای نسل اکونایمیس په اکونایمیس نسل کې لاندې ډولونه شامل دي Chilean rock rat, Aconaemys fuscus Porter's rock rat, Aconaemys porteri Sage's rock rat,  Aconaemys sagei

د شخوند وهونکو کورنۍ ده. په سوېلې او سوېل لوېدیځې امریکا کې پیدا کیږي. ټول پېژندل شوي ډولونه یې په ۷ نسلونو کې ځای شوي. تر ټولو زیات پېژندل شوی ډول یې عام ډیګو دی. د بدن اوږدوالی یې له ۱۲ تر ۲۰ سانتي متره پورې وي. ورېښمین وېښته لري، د بدن رنګ یې نسواري رنګه وي، د وېښتو لاندې برخه یې کم رنګه زېړ رنګ کې وي.   د اوکتودونت نوم یې د غاښونو له جوړښت څخه اخیستل شوی د غاښونو شکل یې د انګرېزۍ ژبې 8 ته ورته والی لري او په یونانۍ ژبه کې ۸ ته اوکتو وایي. ډېر ډولونه یې ټولنیز چلند لري، غار وېسوتونکي ژوي دي. پرته له ډیګو نور ډولونه یې د شپې لخوا فعالیت کوونکي دي. واښه خوړونکي دي او د خوړو ډېره برخه یې واښه، کاکتوس او پیاز غوټې جوړوي.   ځینې پوهانو وړاندیز کړی وو چې اوکتودونتید باید په لاګومورفا ډله کې بیا ځلې ډلبندي شي خو نورو څېړنو او مطالعو د وړاندیز ملاتړ ونکړ. مخکې توکو- توکو ه...