Cephalocarida – سېفالو کاریدا

د کلک پوستو یا کروستاسیا فرعي فایلم کې ډلبندي شوی کلاس دی. د اوبو په تل کې د ژوند کوونکو ۱۲ ډولونه پکې شامل دي، د کلاس غړو ته یې نعل ډوله د اوبو ملخ (horseshoe shrimp) عام نوم اخلي. په ۱۹۵۵ کې هورډ اېل سنډرز په لمړي ځل موندلي. له (Remipedia in the Xenocarida) سره یو ځای ګروپ شوي. ټول سېفالوکاریدان د یوې کورنۍ (Hutchinsoniellidae) غړي دي. تر اوسه یې فوسیل نه دی موندل شوی. ډېری پوهان یې د کروستاسیا لمړني چنګاښونه ګڼي.

تر ۱۵۰۰ متره پورې ژورو اوبو کې، په هر ډول رسوب کې پیدا کیږي. په سمندر کې په هر ډول رژېدلو توکو ځان تغذیه کوي.

---

تشرېح او اناتومي
هېرمافروډیټیک (hermaphroditic) کلک پوسته دي – هېرمافروډیټیک داسې ژوندي ته وایي چې خپل ځان کې دواړه د نر او ښځې تناسلي الې لري او په یوازې ځان د مثل تولید کولای شي. له ۲ تر ۴ ملي متره پوره اوږدوالی لري. غټ سر لري، د سر وروستۍ څنډه یې د سینې لمړۍ برخه پوښي. سینه کې یې نهه برخې غړي لري، لس برخې یې بې غړو دي. وروستۍ برخه یې لکۍ ده، د ارتروپوډ وروستۍ برخې ته انګرېزي کې (telson) وایي. تر اوسه یې په دواړه لاروا او بلوغ ته رسېدلو کې سترګې نه دي لیدل شوي. انتنونه یې د خولې شا کې دي، د نورو ټولو کلک پوستو انتنونه د خولې مخې کې وي او یوازې یې لاروای کې د سېفالوکاریدا په څېر د خولې شاته وي.

پاسه شونډه یې غټه ده، د پاسه شونډې لاندې یې خوله ده. د خولې دواړه خواو کې یې (mandibles) موجود دي – ارتروپوډ (mandibles) د چیچلو یا پرې کولو لپاره کاروي او (maxillae) د خوړو د مزې کتلو او خوځولو او مدیریت کولو لپاره کاروي. د (maxillae) لمړۍ جوړه یې وړه ده، دوېمه جوړه یې هم ورته شکل لري. د تنې لاندې یو جوړښت لري کوم چې په داخلي او بهرنیو برخو مجهز دی او د خوځښت کولو لپاره یې کاروي.

---

ساینسي ډلبندي

کېنګډم	ژوي
فایلم	ارتروپوډا
فرعي فایلم	کروستاسیا
کلاس	سېفالو کاریدا
ډله	براکیپودا
کورنۍ	هچنسوني ایلیډای

---

ډلبندي

• Class Cephalocarida
  • Order Brachypoda
    • Family Hutchinsoniellidae
      • Genus Chiltoniella
        • Chiltoniella elongata
      • Genus Hampsonellus
        • Hampsonellus brasiliensis
      • Genus Hutchinsoniella
        • Hutchinsoniella macracantha
      • Genus Lightiella
        • Lightiella floridana
        • Lightiella incisa
        • Lightiella magdalenina
        • Lightiella monniotae
        • Lightiella serendipita
      • Genus Sandersiella
        • Sandersiella acuminata
        • Sandersiella bathyalis
        • Sandersiella calmani
        • Sandersiella kikuchii

---