د تی لرونکو کلاس ممالیا (Mammalia) په درې فرعي څانګو وېشل شوی: پلاسنټالیا (Placentalia)، مونوټرېماټا (Monotremata) او مارسوپیالیا (Marsupialia). پلاسنټالیا له نورو سره د بچیانو په زېږولو کې توپیر لري او خپل بچیان په ګېډه کې د ودې تر اخري بهیر پورې ساتي.
د مارسوپییل په اړه لینک وګورئ https://rahimiz.com/2017/12/13/marsupial-نا-بشپړ-پیدا-کېدونکي-ژوي/
په اناتومیکه توګه پلاسنټالیا تی لرونکي له نورو سره توپیر لري: د پلاسنټالیا په کافي اندازه د لګن خاصره هډوکی پراخ وي تر څو د بشپړ ودې مرحلې ته رسېدلي بچیان وزېږولای شي. د (epipubic bones) هډوکي نلري کوم چې په نورو تی لرونکو کې شته دي. د (malleolus) په پای کې (fibula) لري.
