Acouchy – اکوشي
د (genus Myoprocta) نسل دی، په (family Dasyproctidae) کورنۍ کې ډلبندي شوي. ځینې خلک یې (acouchi or acuchi) لیکي کومه املا چې ناسمه ګڼل شوې. د سوېلې امریکا دوه ډوله شخوند وهونکي ژوي دي. وزن یې له ۱ تر ۱.۵ کیلو ګرامه (۲.۲ تر ۳.۳ پونډه) پورې او اوږدوالی یې له ۳۰ تر ۳۹ سانتي متره (۱۲ تر ۱۵ انچه) پورې رسیږي. د (Myoprocta acouchy) ډول یې بلوط ته ورته سور رنګ او د (Myoprocta pratti) ډول یې شین رنګ لري.
دواړه ډولونه یې د امزون سیند په ټیټو باراني ځنګلونو کې له کولمبیا، اکوادور، پېرو تر ختیځ او شمالي برازیل پورې ژوند کوي. په ځمکه ژوند کوونکي (terrestrial) دي، د ورځې لخوا فعال وي، معمولا یوازې ګرځي، له یو تر درې پورې بچیان زېږوي. د خپل استوګنځي چار چاپېره زړي، مغزي، میوه او تخمونه خوري. خپله غارونه نه باسي مګر د نورو ژو په غارونو کې ژوند کوي په ځانګړې توګه د ارمودیلو په پرېښودل شوو غارونو کې استوګنځای جوړوي. کله چې خطر احساس کړي منډه وهي او د مرغانو غږ ته ورته شپېلک وهي، د تېښتې طریقه یې د افریقا واړه دویکر انتېلوپ ته ورته ده.
| ساینسي ډلبندي |
| کېنګډم | ژوي |
| فایلم | کورډاټا |
| کلاس | تی لرونکي |
| ډله | شخوند وهونکي |
| کورنۍ | داسي پروکتیدای |
| نسل | مایوپروکټا |
په مایوپروکټا نسل کې لاندې دوه ډولونه شامل دي
-
- Green acouchi, Myoprocta pratti
- Red acouchi, Myoprocta acouchy
Comments
So empty here ... leave a comment!