Abu Simbel – ابو سیمبل
دوه عبادتخونې دي کومې چې د مصر پاچا دوېم رمسس (Ramses II) په وخت کې جوړې شوې دي. رمسس له زېږېدیز کال څخه مخکې د ۱۲۷۹–۱۳ کلونو ترمنځ پاچا وو. یادې عبادتخونې د مصر په سوېل کې دي. د رامسس پاچا څلور مجسمې چې د عبادتخونې مخې ته ولاړې دي د پخواني مصر د هنر غوره بېلګې دي. په ۱۹۶۰ لسیزه کې پېچلی د انجنیري سیستم وکارېده تر څو یې د نیل سیند له اوبو وژغوري او په دې چاره کې د مصر حکومت، یونیسکو او پنځوس هېوادونو ونډه واخیسته.
یوه عبادتخونه یې د نیل سیند په لوېدیځه څنډه کې ده کومه چې د شګې له ډبرې جوړه شوې، دوېمه عبادتخونه یې تر ۱۸۱۳ پورې نه وه موندل شوې او په همدې کال کې د سویزرلنډ څېړونکي (Johann Ludwig Burckhardt) وموندله.
د عبادتخونې په مخې کې هر اړخ ته دوه د دوېم رمسس مجسمې په چوکۍ کینول شوي، هره مجسمه ۶۶ فټه (۲۰ متره) لوړوالی لري، پښې یې هم وړې د رمسس د بچیانو, ښځې او مور مجسمې دي. په عبادتخونو کې د لمریزو خدایانو ( Amon-Re and Re-Horakhte) عبادت کېده، په ډبره کې جوړه شوې عبادتخونه درې پراخه شوي دالېزونه لري پراخوالی یې ۱۸۵ فټه (۵۶ متره ) ده، د عبادتخونه په داخل کې د پاچا نورې وړې مجسمې دي کومې چې د پاچا په (Battle of Kadesh) جګړه کې بریا ښي.
Comments
So empty here ... leave a comment!