Author: Zakria Rahimi

اغیزمنې خبرې اترې داسې ابزار دي کوم چې اړیکه جوړوي او داړیکې ساتنه کوي. بهیرونه یې له بې شمېره برخو جوړ وي او ټولې برخې یې اړینې ګڼل کیږي. مناسبې او اغیزمنې خبرې اترې که د وینا له لارې وي یا هم لیکلې بڼه ولري د بریا او مسلکي ودې لپاره ډېرې دروازې پرانیزي. د اغیزمنو خبرو اترو وړتیا تر ټولو نورو اړینو وړتیاو ډېر اړینه وړتیا ده. خبرې اترې له یو ځای نه بل ځای ته د مالوماتو لېږل دي، دا مالومات ممکن غږیز شکل کې وي او یا ممکن لیکلې بڼه ولري لکه کتاب، مجله، نقشه، ګرافونه، ایمیل او یا ویبپاڼه واوسي. د پیغام د ترلاسه کوونکو په مالوماتو سمه پوهېدنه ستاسې د خبرو اترو له ورتیا سره تړاو لري. اغیزمنې خبرې اترې د دې ترڅنګ چې تاسې ته د مسلکي ودې او بریا دروازې پرانیستلای شي همداسې ښه کاري مخینه یا سي وي مو کولای شي تاسې ته د خپلې خوښې خوښې دنده پیدا کړي، د دندې د ترلاسه کولو لپاره په مرکه کې مرسته درسر...

خبرې اترې د یو کس یا یوې ډلې له لوري بل کس یا ډلې ته د مانا لېږل دي. مانا څرنګه لېږل کېدای شي ؟ مانا د مخکې له مخکې پېژندل شو سمبولونو او نښو او غږونو په ذریعه لېږل کیږي. خبرې اترې ټول په خپله طریقه کوي لکه ګونګیان په اشارو او ماشومان په ژړا او خندا تر بل پورې خپل پیغام رسوي. اغیزمنې خبرې اترې دې ته وایي چې یو کس یا ډله په روښانه توګه د پوهېدو وړ پیغام بل ته ورسوي کنه تاسې به یو څه ویل غواړئ او مقابل لوري به بله مانا ترې اخیستې وي. لېږونکی : د خبرو اترو پیلونکی وي. د پیغام لېږونکی په دې پوهیږي چې چا ته څه بیانوي او په داسې بڼه کې پیغام لېږي چې نور پرې سم پوهېدلای شي. پیغام ممکن غږیز، ایمیل، لفظي او یا غیرې لفظي وي خو په ټولو حالتونو کې تاسې د پیغام چوکاټ ته اړتیا لرئ تر څو تر لاسه کوونکی پرې پوه شي. ترلاسه کوونکی : ممکن یو کس یا ډله وي. دا اړینه ده چې پیغام په ټول پام سره واوري یا ولولي....

د نیوکې فکر د نظرونو موندلو کې مرسته کوي. د نیوکې فکر په ورته وخت کې چلند او وړتیا ده. د نیوکې د فکر چلند کې دا شامل وي چې د هر نظر په اړه پوښتنې وشي، د نیوکې د فکر وړتیا کې دا شامل دي چې بیان شوی نظر په روښانه توګه تعریف کړل شي، هغه شواهد وښي کوم چې د یاد نظر ملاتړ کوي، پلي کوونه یې تشرېح کوي او د پلي کېدو پایله یې په ګوته کوي. - د نیوکې پوښتنې طرحه کول یا جوړول : پوښتنه مو باید مالومه وي او داسې څه وي په کوم چې تاسې پوهېدل غواړئ. - لرلید : لرلید مو د نظر له هر اړخ څخه جوړ کړئ، ځان کې دا وړتیا پیدا کړئ چې خپل لرلید مو په روښانه توګه بیان کړای شئ. د مالوماتو په اړه پوهه : د نظر په اړه د شواهدو او هغو مالوماتو ازموینه وکړئ کوم چې د نظر ملاتړ کوي، تر څو په دې پوه شئ چې تر کومې کچې د اعتبار وړ او د پلي کولو له بهیر سره برابر دي. - څېړنه او پایله : د نظر د جوړښت د اجزاو ازموینه کول، په دې ...

- د فعالې غوږ اېښودنې طریقه زده کول - هغه خنډونه پېژندل کوم چې بل ته د مناسب پیغام رسولو مخ کې خنډ وي لکه د دوه کسانو کلتوري توپیر - نورو ته د غبرګون ښودلو لپاره اصطلاح ګانې زده کول، د ستراتیژي د بیان لپاره لغات زده کول - د کولو او نه کولو د امر لپاره مناسبه ژبه زده کول - څه مو چې اورېدلي وي په یاد کې ساتل او د ځواب په وخت کې یې اړینه برخه بیا ځلې ویل د خبرو اترو خنډونه لاندې یاد شوي - د خبرو له پای مخکې، د مالوماتو له ترلاسه کولو مخکې پایلې ته ټوپ کول او بیانول - د مقابل لوري د خبرو منځ کې د خبرو ځواب ویل - د غوږ اېښودلو پر ځای د بل د خبرو پر وخت بحث کول - د اتهام ویره - د خپلو احساساتو د بیان پر مهال ځان نا ارامه احساس کول - د اورېدونکي له لوري ستاسې د پیغام ناسم تعبیر - د څه په اړه چې خبرې کوئ د موضوع په اړه کم پوهاوی - د فزیکي ژبې چلند یا د بدن ناسم خوځښت، په لاسونو، مخ، پ...

د هسپانیا په شمال کې، د هسپانیا د خودمختاره کانتابریا ولایت کې، د شیدو لپاره ساتل کېدونکی د غوییزو نسل دی. نوم یې سیمه کې د پاس په نامه له سیند څخه اخیستل شوی. د بدن د رنګ له امله یې د روجا پاسي اېګا او روجینا نومونه هم ورته اخلي. مخکې ګمان کېده چې د پاسي اېګا نسل ټول غوییز له منځه تللي خو د شلمې پېړۍ پای کې یې یوه پاده له بزګرو سره وموندل شوه. په ۲۰۰۷ کال کې په رسمي توګه پخلی وشو چې پاسي اېګا نسل دی. له شیدو څخه یې سیمه کې پنیر جوړیږي. د مخکینیو پښو په وږو کې د غویي قد تر ۱۴۸ سانتي متره او د غوا تر ۱۳۳ سانتي متره پورې لوړیږي. د غویي وزن تر ۵۰۰ کیلو ګرامه پورې او د غوا تر ۳۳۵ کیلو ګرامه پورې رسیږي....

د هسپانیا د خودمختاره کنري ټاپو د غوییزو نسل دی. غوییز یادې سیمې ته اروپایانو په پنځمه پېړۍ کې انتقال کړي. د نسل رامنځته کولو کې یې د ګالیسیا سیمې ګالیګا روبیا نسل کارېدلی دی. نسل یې د درې موخو کار، غوښې او شیدو لپاره کارېدلای شي خو په ۲۱ پېړۍ کې یوازې د غوښې لپاره ساتل کیږي ؛ ځینې شوقیان یې په سیمه کې د نندارې لپاره او ځینې د درندې ډبرې د کش کولو د سپورت لپاره چمتو کوي. یاد سپورت ته په سیمه کې (arrastre de piedra) نوم اخلي. د غویي وزن یې تر ۶۰۰ کیلو ګرامه او د غوا تر ۴۰۰ کیلو ګرامه پورې رسیږي ؛ د مخکینیو پښو په وږو کې د غویي قد تر ۱۲۶ سانتي متره او د غوا تر ۱۱۴ سانتي متره پورې لوړیږي....

په هسپانوي کې یې تلفظ "پاخونا" دی. په هسپانیا کې د ګراناډا (اندالوزیا) سیمې د غوییزو نسل دی. په تنه کې اوروکس غوییزو ته ورته والی لري. اوروکس د غوییزو د نسلونو وحشي پلرونه دي کوم چې اوسمهال کې له منځه تللي. له ۱۹۵۰ را په دیخوا له ریټینټا، مورسیانا او ځینې نورو نسلونو سره دوه رګه شوي او له همدې امله پکې خپلې لمړنۍ ځانګړنې (لکه عضلاتي جوړښت، د بدن رنګ او لوړ قد) له منځه تللي. ځینې دوه رګه شوي یې اوس هم اوروکس وحشي غوییزو ته ورته والی لري. د غویي وزن یې تر ۶۰۰ کیلوګرامه او د مخکینیو پښو په وږو کې یې قد تر ۱۶۵ سانتي متره پورې لوړیږي. د غویي ښکرونه یې مخکې لور ته وده کوي. د غویي رنګ یې له تېز نسواري تر تور پورې وي، د غوا رنګ یې روښانه سور رنګه نسواري وي. په ۱۹۸۰ او ۱۹۹۰ لسیزه کې نسل په چټکۍ مخ په کمېدو شو او له همدې امله هسپانیا د نسل د ژغورنې چارې پیل کړې. مخکې د کاري موخې لپاره ساتل کېدل خو ...

په باسک ژبه کې یې نوم (Behi montxina) لیکل کیږي. د هسپانیا د غرنیو غوییزو نسل دی. اصلي ځای یې د هسپانیا د خودمختاره سیمې کانتابریا غرونه دي. له بېټیزو غوییزو سره تړاو لري. نسل یې ډېر کم پاتې دی. په نسل کې د غوښې د کچې زیاتولو لپاره د فرانسې له شارولېز، لیموزین او د هسپانیا د استوریانا درې له غوییزو سره دوه رګه شوي. دوه رګه کولو یې نسل زیات کړ او په ۱۹۹۰ لسیزه کې دوه سوه غواګانو او څلور سوه غویانو ته یې شمېر لوړ شو.

د موجودې ساینسي پوهې استعمال ته وایي تر څو عملي موخې پرې ترلاسه کړي لکه ټکنالوجي او د اختراع لپاره د موجودې ساینسي پوهې کارونه. په طبیعي ساینس کې د ساینس بنسټیزې رشتې هغه بنسټیز مالومات چمتو کوي کوم چې د ممکنه پېښو وړاندوینه کوي. عملي ساینس د ساینسي بهیرونو او ساینسي پوهې کارونه ده تر څو یوه ګټوره پایله پرې ترلاسه شي. په دې کارونه کې د طب او انجنیري په شمول د ساینس پراخې رشتې شاملې دي. عملي ساینس رسمي ساینس هم کارولی شي لکه احصایه، احتمالي نظریه، اپیډیمولوجي. همداسې د جنتیک اپیډیمولوجي یو عملي ساینس دی او دواړه احصایوي او بیولوجیکي طریقې کاروي. عملي څېړنې Applied research عملي څېړنې په عملي توګه د ساینس کارونه ده. په عملي څېړنو کې د ځانګړي ایالت، سوداګرۍ او یا د پېرودونکو لپاره د نظریاتو، پوهې، طریقو او تخنیکونو ته لاسرسی او راغونډونه کیږي. عملي څېړنې د کره څېړنو (بنسټیزو څېړنو) متضاد ...

د نورو لخوا له احتمالي زیان څخه په امن یا امان کې پاتې کېدنې، له احتمالي زیان او د نا غوښتل شوي اجباري بدلون سره مقاومت ته امنیت وایي. دا ناغوښتل شوی اجباري بدلون یا ممکن زیان د یو وګړي، ټولنې، توکو، ایکو سیستم او یا کوم بل بنسټ ضد کیدای شي. امنیت له غلیم ځواک څخه ژغورنې ته وایي خو له دې پرته نور تعریفونه هم لري لکه د معیاري ژوند حق لرلو څخه محرومه کېدل، لکه د خوړو امنیت (د خوړو موجودیت او د ترلاسه کولو لپاره یې د هر کس وړتیا)، د ټیلیفون محفوظ لاین، ذهني حالت (اروایي امنیت) او داسې نور... له دې پرته د امنیت اصطلاح هغو کړنو او سیستمونو ته هم کاریږي کوم چې امنیت تامینوي لکه د امنیت کامرې، ساتونکی، امنیتي ځواکونه، له لرې واټن ساتنه، انټرنیټي امنیت ، ... د انګریزۍ ژبې (security) کلیمه د لاتیني ژبې له (securus) کلیمې اخیستل شوې مانا یې " له تشویش ازادي " ده. یو چاپیریال یا زیان اړونکی وي یا ه...

ساینس کلیمه د لاتیني ژبې له (scientia) کلیمې اخیستل شوې او مانا یې پوهه ده. ساینس یوه سیستماتیکه پروژه ده کومه چې د کایناتو په اړه د ازموینې وړ تشرېح او وړاندوینو شکل کې پوهه ترتیب کوي او جوړوي. د ساینس تاریخ د بین النهرین او قدیم مصر تمدنونو پورې څارل شوی له زیږیدیز کال څخه تر ۳۵۰۰ کالو وړاندې پورې تاریخ لري د پخوانیو مصریانو او بین النهرین خلکو د طب، ریاضي او ستورپېژندنې په اړه پوهه د پخواني یونان طبیعي فلسفې ته داخله شوه او یادې فلسفې ته یې ځانګړی شکل ورکړ. په دې فلسفه کې د مصریانو د پوهې تر ګډېدو مخکې هم هڅې شوې وې چې د طبیعي پېښو پر بنسټ د فزیکي نړۍ پېښو ته تشرېح چمتو کړي. کله چې د روم لویدیځه امپراتوري نسکوره شوه نو په لویدیځه اروپا کې د یوناني پوهې کارېدنه هم بس کړل شوه خو مسلمانانو یې کارونې ته ادامه ورکړه. د لسمې او دیارلسمې پېړۍ تر منځ د مسلمانانو تازه څېړنو او د یونان د پوهې ...

د اسونو نسل دی، په ایسلنډ کې یې نسل اخیستل شوی. د بدن کچه یې د پوني اسونو په څېر وړه ده. د اوږد عمر لرونکي او کلک اسونه ګڼل کیږي. په ایسلنډ کې چې کوم موجود دي خپل ځان کې ځینې ناروغۍ هم لري. د ایسلنډ قانون له بهر څخه د اسونو واردولو اجازه نه ورکوي او که کوم ژوي له ایسلنډ بهر انتقال شي ایسلنډ ته د بېرته ورتلو اجازه نه ورکوي. په ایسلنډ کې یوازې یو د اسونو نسل دی په اروپا او شمالي امریکا کې هم خورا زیات دي. په ایسلنډ کې تر اوسه د څر، په تفریحي وخت کې د سپرلۍ، نندارې او د منډې د سیالۍ لپاره کاریږي. په نهمه او لسمه پېړۍ کې چې کوم پوني اسونه ایسلنډ ته انتقال شوي له همدې پوني اسونو یې نسل اخیستل شوی. د ایسلنډ په لرغونو اسنادو کې یې یادونه هم شوې تر ټولو زوړ سند د ۱۲ پېړۍ دی په کوم کې چې د ایسلنډیک اس ذکر شوی. د سکاندیناوي یا نارس او یا هم د شمال جرمنیک خلکو په افسانو کې د یاد اس تکریم شوی. نسل ...

سمندري بېړۍ د اوبو په سر سفر کوونکې لویه تنه ده، د نړۍ په سمندرو او نورو هغو اوبو کې سفر کوي چې په کافي اندازه ژورې وي. دنده یې په خپل ځان کې د توکو انتقال، د مسافرو انتقال او یا هم ځانګړی ماموریت ترسره کوي لکه کب نیونه، ساینسي څېړنې او یا هم پوځي ماموریت. سمندري بېړۍ له کیشتیو سره په وزن، شکل، کچې او د بار وړنې په ظرفیت کې توپیر لري. له پخوا تراوسه بېړۍ د سیمو موندنو، سوداګرۍ، جګړې، کډوالۍ، د سیمو مستعمرو کولو او ساینس لپاره کارېدلې. د نړۍ د ټرانسپورټ لویه برخه په بېړیو ترسره کیږي. په ۲۰۱۶ کې تر ۴۹۰۰۰ زیاتې د سوداګریزو توکو انتقالونکې بېړۍ موجودې وې. په دې کې ۲۸% د تیلو انتقالونکې، ۴۳% د سوداګریزو توکو انتقالونکې، ۱۳% د کانټینرونو انتقالونکې بېړۍ وې. معمولا بېړۍ له کیشتۍ څخه لویه وي خو د دواړو تر منځ په نړیواله کچه منلی توپیر نشته. بېړۍ کولای شي د سمندر په منځ کې د کیشتۍ په پرتله زیات...

چاودېدونکي یا چاودېدونکي توکي یوه تحریک کوونکي ته غبرګون ښودونکې ماده ده، په خپل ځان کې بې کچې انرژي لري که چېرې یې انرژي ناڅاپه ازاده شي یا وکارول شي نو چاودنه رامنځته کوي، چاودنه یې معمولا له رڼا، تودوخې، غږ او فشار سره مل وي. په انګرېزۍ کې (explosive charge) اصطلاح د کچه شوو چاودېدونکو اندازې ته کاریږي، یاده اندازه ممکن له یوې مادې جوړه وي او یا لږ نه لږ د دوه مادو مخلوط وي. په چادېدونکو توکو کې ذخیره انرژي یا ځان کې لرونکې انرژي ممکن کیمیاوي انرژي وي لکه نایټروګلیسرین یا د غلې د دانې پوډر، ممکن د فشار لاندې ګاز وي لکه د ګاز ډبې، د ایروزول شیندونکی ډبلی، او یا هم په بند لوښي کې خوټیدونکې مایع لکه دیګ بخار، ممکن اټومي انرژي وي لکه فیسایل، یورانیم - ۲۳۵، پلوټونیم - ۲۳۹، ایزوټوپونه. چاودېدونکي د خپرېدو د سرعت له مخې کټګوري کیږي. کوم چې د غږ له سرعت څخه چټک خپریږي (high explosives) ور...

د دولت د ځینو غړو فعالیت دی تر څو په منظم ډول هغو خلکو ته جزا ورکړي چې په ټولنې له حاکمو نورمونو او قوانینو سرغړونه کوي، له جرم کولو وروسته یې د جزا په موده کې په اروا یې توګه د قانون اطاعت ته چمتو کړي، د قانون د سرغړونې مخنیوی وکړي. یاده اصطلاح په خپل ځان کې پولیس، محکمه او سمون یا اصلاحات رانغاړي. خو دا اصطلاح ډېری وخت د هغو کسانو لپاره کاریږي چې ګشت او څارنه کوي تر څو د قانون ماتونې مخنیوی وکړي او یا هم د سرغړونکو فعالیت پیدا کړي او هغه کسان چې د جرمي قضیو په اړه څېړنې کوي تر څو مجرم پیدا کړي، د جرمي قضیو څېړنه دواړه د پولیسو او نورو د قانون پلي کوونکو ادارو لخوا ترسره کیږي. هر هغه نښان یا بج لرونکی کس چې د قانون ماتونکی نیولی شي د قانون پلي کوونې د چتر لاندې شامل دی. په انګریزۍ کې دې کس ته دوه نومونه (peace officer, or law enforcement officer) اخلي. د قانون پلي کوونې له اصطلاح مم...

یوه میکانیکي اله ده کومه چې د رنګ لرونکې سطحې باندې د فشار لپاره کاریږي د یوې ټوټې یا کاغذ له پاسه ایښودل کیږي تر څو رنګ انتقال کړي (هغه ماشین چې د رنګ په ذریعه د متن لیک او انځور کاغذ ته لیږدوی). په پخوانۍ طریقه کې به ټوټه یا کاغذ په تکراري توګه بورس کېده او یا هم به موښل کېده تر څو د رنګ انتقال ممکن کړل شي خو اوسنۍ طریقې چاپ کې ښه والی او د بهیر چټکوالی رامنځته کړ. معمولا د متن د چاپ لپاره کاریږي. په ۱۴۴۰کې په جرمني کې ګولډ سمېت جوهانس ګوتنبرګ د مطبعې ماشین اختراع کړ او دې چارې سره د چاپ انقلاب رامنځته شو. د ګولډ سمېت تر اختراع وړاندې پېچ ته ورته تاوېدونکې د چاپ اله (screw presses) کارېده او کولډ سمېت د همدې الې په طرحه کې اضافه وکړه. د رنسانس دورې یوازې یوه ماشین په یوه کاري ورځ کې تر ۳۶۰۰ پورې پاڼې چاپ کولای شوې خو تر دې په پخواني ماشین یوازې ۴۰ پاڼې چاپ کیدای شوې. د ګولډ سمېت ګو...

کاغذ نرۍ ورقه شوي مواد دي، په کیمیاوي او/ یا میکانیکي توګه له پروسس شوي سلولوز فایبر څخه جوړیږي، د سلولوز فایبر یې له لرګي، له ټوټو او جنډو، وښو او نورو موادو ترلاسه کیږي. له موادو څخه اوبه وچیږي. مخکې په لاس جوړیدل خو اوس وخت کې هر ډول کاغذ په ماشین جوړیږي. د کاغذ جوړونې ځینې حلقې تر ۱۰ متره پورې پراخې وي او په یوه دقیقه کې ۲۰۰۰ متره تاویږي او په یو کال کې تر ۶۰۰۰۰۰ ټنه پورې کاغذ تولیدوي. کاغذ د مختلفو موخو لپاره کاریږي لکه د توکو پوښ، لیکلو، پاکولو، فلټر، کتاب، د پیسو چاپ، تشناب کاغذ او داسې نورو موخو لپاره. د کاغذ جوړونه په ختیځې اسیا کې پیل شوې او ممکن په لمړي ځل چین جوړ کړی وي. له زېږیدیز کال څخه د دوه پېړیو وړاندې لرغونې ټوټې یې په چین کې موندل شوي. په اوس وخت کې د نړۍ لوی د کاغذ تولیدونکي چین او ورپسې متحده ایالتونه دي. تاریخ پوهان په دې اند دي چې په ۷۵۱ کال کې د تالاس له جګړې (Ba...

.Au début de l'aviation, les voyageurs étaient rares د هوایي صنعت په پیل کې، مسافر ډېر نادر (کم) وو. .Les appareils étaient lents et assez petits وسیلې یا ماشینونه (الوتکې) ډېر ورو او واړه وو. ,Les aéroports étaient de grands terrains plats هوایي ډګرونه سترې هوارې ځمکې وې، .avec des abris pour les passagers et les marchandises, des hangars pour les aéroplanes د مساپرو لپاره له پنا ځای (تم ځای)، د سوداګریزو توکو لپاره پنا ځای یا ګودام (ساتنځای) او د الوتکو لپاره ګراج سره. .Un grand aéroport moderne international a d'ordinaire un trafic de 50 000 à 100 000 voyageurs par jour یو عصري، نړیوال لوی هوایي ډګر په یوه ورځ کې له ۵۰۰۰۰ تر ۱۰۰۰۰۰ پورې د مساپرو تګ را تګ لري. .Il y a aussi des tonnes de fret ټنونه سوداګریز توکي هم پکې وي. .Certains avions transportent 400 personnes ځینې الو...

په فرانسوي کې یوازې (affaire) “معاملې” ته وایي. که چېرې (avoir affaire) وي نو اصطلاح ده او مانا یې “له یو کس یا یو شي سره مخ اوسېدل یا هم په ساده توګه ورسره مخ اوسېدل” ده. د (avoir affaire) او بشپړونکې جملې تر منځ تل (à, au, aux, avec) کارېدلي وي. د (avoir affaire) په ځای د مترادف په توګه ( être en rapport avec /être confronté à) اصطلاح ګانې هم کارولی شو. د (à faire) مانا “ترسره کول” ده. د (à faire) په ځای د مترادف په توګه (avoir à réaliser/accomplir/refaire/effectuer) هم کارولی شو. .Elle a eu affaire à un public bien cultivé هغه د پوهې لرونکو خلکو سره مخ وه. .Le suspect a eu certainement affaire avec la justice له شک پرته، مشکوک کس له قانون سره مخ وو. .Cette année, j'ai affaire à des élèves très indisciplinés سږکال زه له ډېر بې نظمو شاګردانو سره مخ یم. .Le client auquel j'ai eu a...

په فرانسوي کې یوازې (affaire) “معاملې” ته وایي. که چېرې (avoir affaire) وي نو اصطلاح ده او مانا یې “له یو کس یا یو شي سره مخ اوسېدل یا هم په ساده توګه ورسره مخ اوسېدل” ده. د (avoir affaire) او بشپړونکې جملې تر منځ تل (à, au, aux, avec) کارېدلي وي. د (avoir affaire) په ځای د مترادف په توګه ( être en rapport avec /être confronté à) اصطلاح ګانې هم کارولی شو. د (à faire) مانا “ترسره کول” ده. د (à faire) په ځای د مترادف په توګه (avoir à réaliser/accomplir/refaire/effectuer) هم کارولی شو. .Aujourd'hui, j'ai beaucoup à faire, on se verra demain نن زه ډېرې چارې لرم، سبا به سره ګورو. .Aujourd'hui, j'ai beaucoup de travail à réaliser, on se verra demain زه نن ډېرې چارې لرم چې ترسره یې کړم، سبا به سره ګورو. .Albert va avoir affaire à ses créanciers s'il ne rembourse pas ses dettes که چېرې...