د هند په شمال کې، د هاریانا غونډیو په لمن کې د غوییزو اخیستل شوی نسل دی. ساتنه او نسل اخیستنه یې تر ډېره د سیمې ګجران کوي خو تر پنجاب، پرادېش اوتاراخاند تر چاندیګار پورې سیمو کې شته دي. د نسل اخیستنه یې د غوښې او شیدو لپاره کیږي. د کرنې د کار لپاره یې هغه خلک ساتي کوم چې غونډیو کې اوسي. په سیمه کې ورته مورني نوم هم اخلي.
له لنګېدو ته تر وچېدو پورې موده کې تر ۱۰۱۴ کیلو ګرامه پورې شیدې کوي. د شیدو کچه یې له ساتنې سره هم تړاو لري که چېرې غوا ښه وساتل شي نو تر ۲۰۹۲ کیلو ګرامه پورې هم شیدې کولای شي. په شیدو یې کې د پروتینو کچه له ۵.۲۵% نیولې تر ۷.۸۹% پورې امکان لري.
د مخکینیو پښو په وږو کې د غویي قد تر ۱۳۱ سانتي متره او د غوا تر ۱۲۰ سانتي متره پورې لوړیږي. وزن یې تر ۳۰۰ کیلو ګرامه پورې وي. د بدن رنګ یې له سور رنګه نسواري تر خړ او سپین پورې وي. د ښکرونو شکل یې لور ته ورته وي، پورته او داخل لور ته منحني شوي وي. د بدن د غړو څوکې او مخ یې سپین رنګ کې وي. ګېډه کې هم سپینوالی ممکن ولري. له واړه تر منځنۍ کچې پورې کوبی لري.
