Income tax – د ګټې مالیات
د فدرالی، ایالتي او یا هم سیمه ایز حکومت لخوا د شرکت په ګټې تحمیل شوي مالیات. ډېر وخت له مالیاتو ورکولو مخکې د ګټې فیصدي وي. کله چې له دې ګټې د ګټې فیصدي مالیات او مالیات ورکړل شي نو خالصه ګټه پاتې کیږي.
ټولې لیکنې
Goodwill – د کتاب او شتمنۍ د ارزښت توپیر
په محاسبه کې کله چې یوه کمپنۍ د بلې کمپنۍ شتمنۍ اخلي نو د شتمنۍ د ارزښت او د دې کمپنۍ د کتاب دارزښت تر منځ توپیر ده.
General and administrative expenses G&A – عمومي او اداري لګښتونه
هغه لګښتونه دي چ د سوداګرۍ له ځینو برخو پلور، تولید او پېرلو سره تړاو نلري. عمومي او اداري لګښتونه لکه د ریس معاش، د اجرایي دفتر کرایه او داسې نور دي.
GAAP – په عمومي توګه د محاسبې منل شوي اصول
په دې اصولو کې د محاسبې ۲۰ طریقې موجودې دي تر مختلفې د سوداګرۍ معاملې پرې ترسره شي. محاسبه کوونکو او CPAs پرې اتفاق کړی او د FASB لخوا ټاکل شوي.
Fixed cost – ثابت قیمت
هغه قیمت او لګښت ده چې د پلور په حجم کې بدلون راتلو سره پکې بدلون نه راځي او ثابت وي. ثابت لګښت ییا قیمت کې د قیمت کموالی، سود، د تعمیر کرایه، تنخوا ګانې او داسې نور شامل دي. خو دغه ټول لنډمهال وي. که چېرې د پلور په حجم کې ډېر زېات د زېات وخت لپاره رامنځته شي نو ممکن ځینې کسان له دندې ووېستل شي او یا هم که ډېر زېات شي ممکن د تولید ځای پراخ او نور کسان د تولید لپاره وګمارل شي.
Fixed asset – ثابته شتمنۍ
ثابتې شتمنۍ ته د شرکت ملکیت هم وایي چې تعمیر، ماشینونه او داسې نور پکې شامل دي او پرته د سوداګرۍ له فعالیت څخه په نغدو نشي بدلېدای، اوږدمهاله شتمنۍ ګڼل کیږي.
Fiscal year – مالي کال
په محاسبه کې هغه کال ته وایي چې د جنورۍ په لمړۍ نېټه نه پېل کیږي. فډرال مالي کال د اکتوبر له لمړۍ نېټې پېل کیږي او د بل کال د سپټمبر په ۳۰ نېټه پای ته رسیږي. ډېر نور مالي کلونه د جولای له لمړۍ نېټې پېل کیږي او د بل کال د جون په ۳۰ نېټه پای ته رسیږي.
FIFO, LIFO – فیفو لیفو
د لنډیز (first in, first out” and “last in, first out) ده. د قیمت ټاکلو دوه طریقې دي. تر ټولو زاړه تولید شوي توکي د انبار په پای کې وي او تر ټولو اوسني د انبار له پاسه خو د پلور پر وخت له هرې برخې تولید شوي توکي پلورل کیږي. له لاندې برخې د تولید شوو توکو پلور ته فیفو وایي او له پاسه برخې د تولید شو توکو پلور ته لیفو وېل کیږي.
Expense – لګښت
هغه مصرف ده چې د محاسبې په یوه ځانګړې موده کې له عوایدو کمیږي او یا په عوایدو اغیز کوي. د لګښت رامنځته کېدنې پایله په شتمنۍ کې کمی رامنځته کېدل دي. ټول مصرفونه لګښتونه ندي. د بېلګې په توګه یو شرکت یو ماشین ته اړتیا لري له یوې خوا نغدې ورکوي مګر له بلې خوا یوه شتمنۍ تر لاسه کوي په داسې حالت کې مصرف لګښت نده. خو کله چې ماشین وکاریږي او د وخت په تېرېدو سره یې قیمت کې کمی رامنځته شي نو د قیمت کمی یې لګښت ده. مصرف هغه وخت رامنځته کیږي کله چې د پیسو یا د کوم ارزښت لرونکي توکي بدل کې یوه شتمنۍ تر لاسه کړو خو د لګښت په رامنځته کېدو د شرکت په ګټه کې کمی رامنځته کېدل دي....
Expenditure – مصرف
مصرف هغه وخت رامنځته کیږي چې سوداګرۍ کې کوم څه ته اړتیا وي. لکه د یوې شتمنۍ پېرل، د تنخوا ورکول او همداسې نور. یو مصرف په بیلانس پاڼې اغیز کوي. خو اړینه نده چې د ګټې په بیانیه کې وښودل شي او یا هم چې کله مصرف رامنځته شي نو په ګټې دې اغیز ولري. مګر کوم مصرف چې لګښت شي د ګټې په بیانیه او ګټې باندې اغیز لري. ډېر مصرفونه د نغدو په بدل کې یو څه لاسته راورل وي خو لګښت کې د نغدو کارېدنه نه وي.
Equity – د ونډه اخیستونکو په سوداګرۍ کې برخه
که چېرې ټول پور له ټولې شتمنۍ منفي شي د ونډه اخیستونکو د برخې ټولیزه ترې جوړیږي.
Ebitda – د ناخالصه عوایدو ټولیزه
هغه ناخالصه عواید دي چې ګټه ګڼل کیږي مګر مالیات، سود او د توکو په قیمت کې کموالی نه وي ترې ورکړل شوی او باید شرکت یې له همدې ګټې ادا کړي.
Earnings – له ټکس یا مالیاتو ادا کولو وروسته خالصه ګټه
ګټه/ونډې یا ګټه پر ونډې د یو شرکت د محاسبې په یوه ځانګړې موده کې ټوله خالصه ګټه ده چې پر ونډه اخیستونکو د ونډې په اساس وېشل کیږي.
Double entry – دوه ځلې ثبت کول
د اکونتینګ یو سیستم ده. یو ایټالوي راهب وړاندیز کړی په کوم کې چې هره سوداګریزه معامله دوه ځلې ثبت کیږي - د کرېډېټ او ډېبېټ په توګه
Division – څانګه
په محاسبه کې د کمپنۍ یو جلا څانګه چې تر کمپنۍ زېات یا لږ فعالیت کوي. په قانوني توګه څانګه له اصلي شرکت څخه زېږېدلې یا جلا شوي وي.
Dividend – د ونډه اخیستونکو ګټه
هغه پیسې دي چې یو سهامي شرکت یې ونډه اخیستونکو ته ورکوي. د ګټې یوه برخه ده چې د ونډې مالک ته ورکول کیږي. د ونډو اخیستونکو ګټه له مالیاتو ورکولو وروسته ادا کیږي.
Depreciation – په قیمت کې کموالی
د فکس اسېټ په قیمت کې کموالی ده. د بېلګې په توګه که چېرې یو ماشین له لسو کالو کارولو وروسته له منځه ځي نو په لسو کالو کې یې قیمت په تدریجي توګه په لګښت کې اضافه کیږي او له شتمنۍ په تدریجي توګه کمیږي. په قیمت کې کموالی د دې ماشین هر کال د قیمت برابره برخه کې کمی ده. که چېرې قیمت یې $ ۱۰۰۰ ډالر وي نو هر کال یې $ ۱۰۰ ډالر قیمت کې کموالی رامنځته کیږي.
Deferred income – مخکې له مخکې تر لاسه شوې ګټه
هغه پور ده چې کمپنۍ ته مخکې د توکو له لېږدولو یا خدماتو له وړاندې کولو ورکول کیږي او شرکت مسول ده چې په بدل کې یې توکي ولېږي او یا خدمات تر سره کړي. لکه د یوه مګزین خپرونکی د څو میاشتو د اعلاناتو خپرولو لپاره مخکې له مخکې پیسې تر لاسه کړي. کله چې وخت تیریږي نو د وړاندې شوي خدمت په اندازه مقدار ترې کمیږي.
Deferred charge – مخکې له مخکې ورکړل شوی لګښت
د محسابې د یوې یا څو مودو لپاره اوږدمهاله مخکې له مخکې ورکړل شوی مصرف ده چې په اوسمهال کې د شتمنۍ په توګه لیکل کیږي. خو کله چې مصرف شي نو دا شتمنۍ لګښت لیکل کیږي. مخکې له مخکې ورکړل شوي لګښت کې کرایه، د بیمې پالیسي، اعلانات، د بانډ فیس او داسې نور شامل دي.