ټولې لیکنې – پاڼه 26

May302020 by Zakria RahimiNo Comments

Phoenix chicken – فینېکس چرګان

د اوږدې لکۍ چرګان دي. اصلي ځای یې جرمني ده. نسل یې له سیمه ایزو چرګانو او له جاپان څخه د اوږدې لکۍ له وارد شوو چرګانو اخیستل شوی. د چرګ وزن یې تر ۲.۵ کیلو ګرامه او د چرګې وزن یې تر ۱.۸ کیلو ګرامه پورې رسیږي. د وړې کچې نسل هم لري، وزن یې تر ۷۴۰ ګرامه پورې وي. ارثي ځانګړنې لري کومې چې د جېن لخوا پکې کنټرول کیږي او دا چاره یې هر کال د نورمال کوریز کولو مخنیوی کوي. د لکۍ اوږدوالی یې تر ۹۰ سانتي متره پورې رسیدای شي.

May302020 by Zakria RahimiNo Comments

Frizzle – د نېغو ولاړو بڼکو چرګان

ټولې لیکنې

د ګورتوتي یا نېغو ولاړو بڼکو د چرګانو نسل دی. په زیاتو اروپایي هیوادونو او استرالیا کې د چرګانو جلا نسل ګڼل کیږي خو د زیاتو نورو چرګانو نسلونه لکه پولنډي او پېکین چرګان هم د نېغو ولاړو بڼکو جېن لري. په متحده ایالتونو کې د نېغو یا ولاړو بڼکو چرګان جلا نسل نه دی او له کوم نسل سره چې تړاو لري نېغې ولاړې بڼکې یې د همدې نسل یوه ځانګړنه ګڼل کیږي.

May282020 by Zakria RahimiNo Comments

Sultan chicken – سلطان چرګان

ټولې لیکنې

د ترکې د چرګانو نسل دی. کاکل لرونکي چرګان دي. په ترکي یې نوم (Serai-Tavuk) لیکل کیږي مانا یې د سلطان چرګان ده. له پیل څخه تر اوسه پورې یوازې باغونو کې د نندارې لپاره ساتل شوي. د عثماني خلافت په وخت کې هم سلطانانو په خپلو باغونو کې لرل. په لمړي ځل باندې له ترکې بهر انګلستان ته په ۱۸۵۴ کې صادر شوي. وزن یې تقریبا تر ۳ کیلو ګرامه پورې رسیږي. د وړې کچې نسل هم لري کوم چې تر ۶۲۵ ګرامه پورې وزن کوي.

May282020 by Zakria RahimiNo Comments

Vorwerk chicken – وور وېرک چرګان

ټولې لیکنې

د جرمني د کورنیو چرګانو نسل دی. تور او زېړ رنګ لري. د چرګ وزن یې تر ۳ کیلو ګرامه او د چرګې تر ۲.۵ کیلو ګرامه پورې رسیږي. د هګیو او غوښې دواړو لپاره ساتل کیږي. د وړې کچې نسل هم لري، وزن یې تر ۶۵۰ ګرامه پورې وي. په کال کې تقریبا تر ۱۷۰ پورې هګۍ اچوي.

May282020 by Zakria RahimiNo Comments

Westfälischer Totleger

ټولې لیکنې

تقریبا ۴۰۰ کلن زوړ د جرمني د کورنیو چرګانو نسل دی. په اوسمهال کې ډېر کم شمېر پاتې دي. د چرګ وزن یې تر ۲.۵ کیلو ګرامه او د چرګې تر ۲ کیلو ګرامه پورې رسیږي. په کال کې تر ۱۸۰ پورې هګۍ کوي، د هګۍ وزن یې تر ۶۵ ګرامه پورې وي.

May282020 by Zakria RahimiNo Comments

Czech Gold Brindled Hen

ټولې لیکنې

د چک جمهوریت د چرګانو زوړ نسل دی. په لیکلې بڼه یې یادونه په ۱۲۰۵ کال کې شوې او د دنمارک د دوېم والدېمار لخوا د چک شهزاده د بوهېمیا دګمار ته د واده پر مهال د سوغات په توګه ورکړل شوي. په اوس وخت کې یې نسل ډېر کم پاتې دی. په چک ژبه کې یې نوم (Česká slepice zlatě kropenatá) لیکل کیږي. د چرګ وزن یې تر ۳.۳ کیلو ګرامه او د چرګې تر ۲.۵ کیلو ګرامه پورې رسیږي. په کال کې تر ۱۶۰ پورې هګۍ اچوي، د هګۍ وزن یې ۶۰ ګرامه پورې وي.

May282020 by Zakria RahimiNo Comments

Šumava chicken – سوماوا چرګان

ټولې لیکنې

اصلي ځای یې په چک جمهوریت کې د بوهېمیان ځنګل دی. ډېر زوړ نسل دی او یو وخت یې ټول غړي له منځه تللي وو یوازې یو څو پاتې وو، په ۲۰ پېړۍ کې له همدې پاتې چرګانو بیا ځلې نسل زیات شو. د چرګ وزن یې تر ۳.۶ کلیو ګرامه او د چرګې تر ۳ کیلو ګرامه پورې رسیږي. په کال کې تر ۱۸۰ پورې هګۍ اچوي، د هګۍ وزن یې تر ۵۸ ګرامه پورې وي.

May282020 by Zakria RahimiNo Comments

Bresse Gauloise – برېس ګالواز

ټولې لیکنې

د فرانسې د کورنیو چرګانو نسل دی. په برېس سیمه کې یې نسل اخیستل شوی. د نسل اخیستنې موخه یې غوښه وه خو ښې هګې اچونکې چرګې هم لري. د هګۍ وزن یې تر ۷۰ ګرامه پورې وي. د چرګ وزن یې تر ۳ کیلو ګرامه او د چرګې تر ۲.۵ کیلو ګرامه پورې رسیږي.

May282020 by Zakria RahimiNo Comments

Houdan chicken – هودان چرګان

ټولې لیکنې

د فرانسې د کورنیو چرګانو نسل دی. کاکل لرونکي چرګان دي. نسل یې د فرانسې په هودان سیمه کې اخیستل شوی. د چرګ وزن یې تر ۳ کیلو ګرامه او دچرګې تر ۲.۵ کیلو ګرامه پورې رسیږي. د وړې کچې نسل هم لري وزن یې تر ۹۰۰ ګرامه پورې رسیږي. نسل یې په ۱۸۰۰ لسیزه کې اخیستل شوی د نسل اخیستنې موخه یې د نندارې لپاره ساتنه وه خو ډېر ژر وده کوي او په هګیو اچولو پیل کوي نو له همدې امله د نندارې په ځای فارمونو کې د هګیو او غوښې لپاره وساتل شول.

May282020 by Zakria RahimiNo Comments

Marans – مران چرګان

ټولې لیکنې

فرانسې له هند او اندونیزیا څخه د جنګ لپاره چرګان وارد کړي وو او له همدې چرګانو څخه تر لاسه شوی نسل یې له کروډ لنګشن نسل سره یو ځای کړ پایله یې د چرګانو مران نسل شو. د چرګ وزن یې تر ۴ کیلو ګرامه او د چرګې تر ۳ کیلو ګرامه پورې رسیږي. په ۹ رنګونو کې پیدا کیږي. په لوند چاپېریال کې ښې هګۍ کوي.

May282020 by Zakria RahimiNo Comments

Crèvecœur chicken – کرېو کور چرګان

ټولې لیکنې

د شمال لوېدیځې فرانسې تاریخي د چرګانو نسل دی. اوسمهال کې ډېر کم پاتي. نسل یې د فرانسې په نورماندي کې ډېر پخوا اخیستل شوی او د نورماندي له لا فلېش چرګانو سره نږدې تړاو لري. چرګ یې تر درې کیلو ګرامه او چرګه تر دوه نیم کیلو ګرامه پورې وزن کوي. د هودان چرګانو په څېر سر کې کاکل لري. د نسل اخیستنې موخه هګۍ او غوښه وه. د هګۍ وزن یې ۵۵ ګرامه پورې وي.

May282020 by Zakria RahimiNo Comments

Estaires – اېستېر چرګان

ټولې لیکنې

د شمال ختیځې فرانسې د چرګانو نسل دی. په ۱۸۷۲ کې انګلستان ته له چین څخه لنګشن چرګان وارد شول او وروسته له انګلستان څخه اروپا ته صادر شول، د همدې چرګانو تنوع ده. نوم یې د فرانسې د اېستېر سیمې دی. وزن یې تر ۲ کیلو ګرامه پورې رسیږي. بڼکې یې تور او نیله رنګ لري، د ځینو غاړه کې سرو زرو ته ورته زېړ او یا سپین رنګ موجود وي.

May282020 by Zakria RahimiNo Comments

Faverolles chicken – فاوېرول چرګان

ټولې لیکنې

د فرانسې د چرګانو نسل دی. په ۱۸۶۰ لسیزه کې یې نسل د فرانسې د شمال په هودان او فاوېرول کلیو کې اخیستل شوی. د نسل اخیستنې موخه یې غوښه او هګۍ وې خو اوسمهال د نندارې لپاره هم ساتل کیږي. په ۱۸۸۶ کې انګلستان ته صادر شول او انګلستان نور تغیر هم پکې راوست تر څو د نندارې لپاره مناسب چرګان ترې جوړ کړي. چرګ یې تر ۵ کیلو ګرامه او چرګه یې تر ۴ کیلو ګرامه پورې وزن کوي. د وړې کچې نسل نلري.

May282020 by Zakria RahimiNo Comments

Cubalaya – کیوبالایا

ټولې لیکنې

د کیوبا د چرګانو نسل دی. نسل یې له فلپاین څخه وارد شويو مالې او سوماترا چرګانو اخیستل شوی. د نسل اخیستنې موخه یې غوښه، هګۍ او د چرګانو جنګونه وه. د چرګ وزن یې تر دوه نیم کیلو ګرامه او د چرګې تر یو نیم کیلو ګرامه پورې رسیږي. کوچنی نسل هم لري، وزن یې تر ۷۴۰ ګرامه پورې وي.

May282020 by Zakria RahimiNo Comments

Cochin chicken – کوچین چرګان

ټولې لیکنې

په ۱۸۴۰ او ۱۸۵۰ لسیزو کې له چین څخه اروپا او شمالي امریکا ته وارد شوی د چرګانو نسل دی. مخکینی نوم یې کوچین چاینا (Cochin-China) دی. چرګ یې له درې نیم تر پنځه نیم کیلو ګرامه او چرګه یې تر درې کیلو ګرامه پورې وزن کوي. د وړو چرګانو نسل هم لري، وزن یې تر ۹۰۰ ګرامه پورې وي. ګڼې بڼکې لري او پښې یې هم بڼکو پوښلې وي. په مختلفو رنګونو کې پیدا کیږي. نسل یې د هګیو او غوښې دواړو لپاره ساتل کیږي.

May282020 by Zakria RahimiNo Comments

Pekin Bantam – پېکین واړه چرګان

ټولې لیکنې

انګلستان ته له چین څخه وارد شوی د چرګانو نسل دی. نوم یې د چین د پېکین سیمې نوم دی. واړه چرګان دي، وزن یې تر ۶۸۰ ګرامه پورې رسیږي.

May272020 by Zakria RahimiNo Comments

Croad Langshan – کروډ لنګشن چرګان

ټولې لیکنې

د چرګانو ډېر زوړ نسل دی او ګمان کیږي چې اصلي ځای یې چین دی. د هګیو لپاره ساتل کیږي. چرګ یې له درې نیم تر پنځه کیلو ګرامه او چرګه یې له دوه نیم تر درې نیم کیلو ګرامه پورې وزن کوي. د هګۍ وزن یې تر ۶۰ ګرامه پورې وي.

May272020 by Zakria RahimiNo Comments

Silkie – سیلکي چرګان

ټولې لیکنې

د چرګانو نسل دی. نوم یې له نرمو ببرو بڼکو اخیستل شوی. د بدن د پوستکي، د مخ او هډوکو رنګ یې نیله وي، په هره پښه کې پنځه ګوتې لري (نور چرګان څلور ګوتې لري). زیات وخت د کورنیو مرغانو نندارې ته هم وړل کیږي. له نورو چرګانو سره یې له فزیکي توپیر پرته چلند هم توپیر لري او له انسان سره ډېر نزدیکت کوي خو که چرګه یې کوړکه شي نو د خپلو بچیانو ساتنې لپاره برید کوونکوی چلند اختیار کوي. په یوه اوونۍ کې ۳ هګۍ اچوي. په ځینو هیوادونو کې د چرګانو کوچنی نسل ګڼل کیږي. چرګ یې تر دوه کیلو ګرامه او چرګه یې تر یو نیم کیلو ګرامه پورې وزن کوي. ...

May272020 by Zakria RahimiNo Comments

Nankin Bantam – نانکین واړه چرګان

ټولې لیکنې

د انګلستان د وړو چرګانو نسل دی، د معیاري کچې چرګان نلري. پلرونه یې د چین له نانکین سیمې انګلستان ته وارد شوي. وزن یې تر ۷۴۰ ګرامه پورې رسیږي. ډېرې کوچنۍ هګۍ کوي او د نندارې لپاره ساتل کیږي.

May272020 by Zakria RahimiNo Comments

Wenchang chicken

ټولې لیکنې

په چینایي کې یې نوم (文昌鸡) لیکل کیږي. د چرګ پخولو طریقه ده. د چین په هاینان سیمه کې د وېنچنګ ښار دودیز خواړه دي. له کومو چرګانو چې یاد خواړه پخیږي تر دوه میاشتو پورې د ممپلیو او کوپرې په پوستکي تغذیه کیږي. د پخولو طریقه یې لمړی چرګان په اوبو کې وېشول کیږي له وېشولو وروسته ټوټه ټوټه کیږي او بیا د مسالې مخلوط کې غوټه کیږي او خوړل کیږي.