Gigantopithecus – ګیګانتوپیتېکوس
د اسیا د غټ فوسیل اېپ نسل ده چې تر اوسه یې دوه ډوله پېژندل شوي: ګیګانتوپیتېکوس بیلاسپورېنسیس (Gigantopithecus bilaspurensis) کوم چې له ۶ تر ۹ میلیونه کاله وړاندې تر منځ په هند کې ژوند کوه او ګیګانتوپیتېکوس بلکي (Gigantopithecus blacki) کوم چې په چین کې تر یو میلیون کاله وړاندې پورې ژوندی وو. د دې ژو د لاندې زامې هډوکی او د یو لاس د بازو هډوکی (humerus) موندل شوي او مطالعه شوي چې کچه یې د ګوریلا څخه غټه اټکل شوې. په خلاصو هوارو کې یې ژوند کوه او ځواکمن د زدولو وړ غاښونه یې لرل.
لمړی ډول یې د جرمني یوه پالیونتولوجیست یا فوسیل پوه (paleontologist G.H.R. von Koenigswald) د چین په یو درملتون کې پیدا کړ. دا موندل شوي غاښ ډېر غټ وو او د انسان غاښو ته یې ځینې ځانګړنې ورته وې. د دې غاښ له موندلو وروسته ځینې فوسیل پوهان په دې اند شول چې ممکن د انسان پلرونو غټ بدن لره خو کله چې بشپړ زامه وموندل شوه نو په دې وپوهېدل چې د اسیا دغټ اېپ (ape) غاښ ده.
