Peasant – بزګر
بزګر ته په انګریزۍ کې (farmer) نوم هم اخلي. له صنعت مخکې کار کوونکي وو. محدوده ځمکه یې لرله. بزګر هغو خلکو ته هم ویل کیږي چې په پر مختللو هیوادونو کې په منځنیو پیړیو کې خو په وروسته پاتې هیوادونو کې تر اوسه د خانانو ځمکې کري او یا هم حکومتي، د روحانینو او یا د اشرافو په ځمکو کې د مالیاتو ورکولو، حجارې ورکولو او یا د غلې ورکولو بدل کې د یادو ډلو ځمکې کري. په اروپا کې درې ډوله بزګر وو یوه ډله غلامان (slave) وو چې د بزګرو په توګه کار ترې اخیستل کېده دویمه ډله د خانانو بزګر چې خپلې ځمکې یې نلرلې په انګرېزۍ کې ورته (serf) نوم اخلي په دې ډلې د فیوډال سیستم لاندې اربابانو او خانانو خپلې ځمکې کرلې حکومتي ځمکې هم پرې د کرنې لپاره وېشل کېدې، درېمه ډله د (free tenant) په نامه یادېده د دې خلکو یو ډول په فرانسه کې هم وو خو یاد نوم په انګلستان کې د بزګرو ځانګړې طبقې ته کارېده او په ډېره کمه مزدوري یې د خانانو ځمکې کرلې.
په ځینې هیوادونو او کلتورونو کې بزګر کلیمه د توهین لپاره هم کاریږي. د خبرو اترو په ژبه کې په هغو هیوادونو کې چې اوس د پرمختګ په حال کې دي بزګر لفظ چاته کارونه یو ډول توهین ګڼل کیږي. په ۱۳ پېړۍ کې جرمنانو یاده کلیمه د کلیوال او غله لپاره کاروله. په ۲۱ پېړۍ کې یې انګریزان د بد کس یا زیان اړونکي، جاهله کس، ساده کس، بد اخلاقه کس لپاره هم کاروي.
په اداري ژبه او د ځینو خلکو په عامه ژبه کې بزګر او د کلیو خلک هم په ګوته کوي. په وروسته پاتې هیوادونو کې د کلیو خلکو ته هم کاريږي او دا مفهوم یې د کوم توهین لپاره نه دی بلکې له ښاره بهر خلک په ګوته کوي کوم چې خپل ورځنی ژوند په بزګرۍ مخکې وړي. د (Via Campesina) او (United Nations Human Rights Council ) ادارې هم د (peasant) کلیمه بزګرو ته کاروي خو په عامه انګرېزۍ کې یې کارونه له ۱۹۷۰ لسیزې ډېره کمه ده.
Comments
So empty here ... leave a comment!