Tag: اروا پوهنه

یو عکس العمل یو هڅونکي یا تحریکونکي ته غبرګون دی. په ساده حالتونو کې غبرګون عضلاتي خوځښت دی. هڅونکی یا تحریکونکی هر هغه ځواک یا عامل دی چې یو کس غبرګون ته اړ باسي. که چېرې تاسې یو ناڅاپه غږ وکړی ستاسې غږ تحریکونکی دی او د عضلو انقباض مو غبرګون دی. که چېرې تاسې د یو خپل نږدې ملګري انځور ووینئ او په ژړا شی انځور تحریکونکی دی او ستاسې اوښکې بهېدنه غبرګون دی.

اروا پوهان په مختلفو ځایونو کې دندې لري، د څېړنو لپاره مختلفې طریقې کاروي خو ټول بیا خپله کې ګډ یو څه لري او هغه په ساینسي طریقې تکیه ده. د څېړنو اروا پوهان د چلند د لاملونو پیدا کولو لپاره ساینسي طریقې کاروي. خو کوم اروا پوهان چې په ښونځیو، کلینیکونو، روغتونونو، صنعتي ادارو کې کار کوي د څېړونکو اروا پوهانو څېړنې کاروي تر څو د نورو کسانو ژوند کې ستونزو ته د حل لارې ولټوي. پورته دواړه ډوله اروا پوهان باید د اروا پوهنې په ساینس پوه وي. ټول انسانان غواړي د نړۍ د هر څه په اړه پوښتنه وکړي، ټول انسانان غواړي د خپلې پوهې له کچې سره برابر پوښتنې ځواب کړي، ټول انسانان غواړي په دې پوه شي چې پېښې ولې کیږي، کله پېښې کیږي او بیا به هم وشي او که نه ؟ دا ډول پوښتنې او ځوابونه مونږ ته د خپل او د نورو دچلند په اړه د وړاندوینې وړتیا راکوي. له همدې امله هر کس یو ډول څېړونکی ساینس پوه دی، هر کس څېړنې پیل ک...