Braekel – برایکېل

نوم یې (Brakel) هم لیکل کیږي. د بلجیم د چرګانو دودیز نسل دی. په بلجیم کې یې اصلي ځای په ختیځ فلندر کې براکېل سیمه ده. د همدې چرګانو کوچنی نسل هم شته دی. د  کمپین نسل هم له همدې چرګانو اخیستل شوی. د چرګ وزن یې له دوه تر دوه نیم کیلو ګرامه او د چرګې وزن یې تر دوه کیلو ګرامه پورې رسیږي. د کوچنیو چرګانو نسل یې تر ۸۰۰ ګرامه پورې وزن کوي. په کال کې تر ۱۸۰ پورې هګۍ کوي، د هګۍ وزن یې ۶۰ ګرامه وي. زیات خلک د هګیو لپاره او ډېر کم خلک یې د غوښې لپاره ساتي.