Chilean rock rat – د چیل د ډبرو موږک
د ډول علمي نوم یې (Aconaemys fuscus) دی. په اوکتودونتیدای کورنۍ (family Octodontidae) کې د شخوند وهونکو یو ډول دی. د ارجنټینا او چیل د اند غرونو په لوړو کې پیدا کیږي. لنډې لکۍ لري. توکو توکو موږکانو ته ورته والی لري خو جوړښت یې لکه د توکو توکو موږکانو په څېر د ځمکې لاندې ژوند کولو ته نده برابر. د تنې پاسه برخه یې تېز نسواري رنګ لري او د تنې لاندې برخه یې له سور رنګه نسواري تر سپین رنګ پورې وي. د سر او تنې اوږدوالی یې له ۵ تر ۷ انچه پورې او له ۲ تر ۳ انچه پورې اوږده لکۍ لري.
اصلي ځای یې په سوېلې امریکا کې د چیل او ارجنټینا د اند غرونو لوړې دي. د بامبو کڼکي یا نی په ځنګلونو کې ژوند کوي. سمڅې جوړونکی دی او خپل غارونه د شبکې شکل کې باسي. د شبکې هر غار تر یو متر پورې اوږدوالی لري. په کالونۍ کې ټولنیز ژوند کوي او خواړه یې ریښې او تخمونه دي. د شپې لخوا فعالیت کوونکی دی خو کله کله د ورځې لخوا هم فعال وي. خواړه ذخیره کوي تر څو په ژمي کې د واورې لاندې ځان پرې تغذیه کړي.
| ساینسي ډلبندي |
| کېنګډم | ژوي |
| فایلم | کورډاټا |
| کلاس | تی لرونکي |
| ډله | شخوند وهونکي |
| فرعي ډله | هیستریکومورفا |
| کورنۍ | اوکتودونتیدای |
| نسل | اکونایمیس |
Comments
So empty here ... leave a comment!