Gambeson – زغره لرونکې کورتۍ
په انګرېزۍ کې ورته (aketon, padded jack or arming doublet) نومونه هم اخلي. جاکت ته ورته زغره لرونکې کورتۍ وه. زغره یا په داخل کې وي او یا د زغرې له پاسه اغوستل کېدې او یا یې د زغرې د نصب کېدو لپاره ځان کې ځای لره. په ژمي کې له سړو د ځان ژغورنې لپاره هم اغوستل کېدې. د ګنډل کېدو تخنیک ته یې انګرېزۍ کې (quilting) نوم اخلي په دې تخنیک کې څو استرونه یو د بل له پاسه ګنډل کیږي. دا کورتۍ له کتان او یا وړۍ جوړیږي. کومې چې په ۱۴ پېړۍ کې جوړې شوي مخکې تڼې لري. په پنځلسمه او شپاړسمه پېړۍ کې اروپایانو کې دود وې. د اروپا د کورتیو وروسته برخه کې د زغرې نښلولو لپاره ځانګړې برخې لرلې. د جرمني دا ډول کورتۍ د ایټالویانو په پرتله لنډې وې. وروسته د عامو خلکو جامه شوه او د فېشن یوه برخه وګرزېده.
Comments
So empty here ... leave a comment!