Gecarcinidae – ګېکار سېنېډای

ګېکار سېنېډای د ریښتیني چنګاښ کورنۍ ده کوم چې ځمکه کې له ژوند کولو سره بلدتیا لري. غړو ته یې د ځمکې چنګاښونه (land crabs) نوم اخلي. لکه د نورو چنګاښونو په څېر د ځمکې چنګاښونه هم مختلف برانشونه لري. له دې پرته برانشونه یې په کاسې، کلک قاب یا کاراپاس پوښل شوي وي او د وینې په رګونو مجهز وي. برانشونه یې لکه د شمزي لرونکو د سږو په څېر له هوا څخه اکسیجن فلټر کوي. بشپړ بلوغ ته رسېدلي چنګاښونه یې په ځمکه ژوند کوي خو ځانګړو مودو کې سمندر ته هم کوزیږي. د ځمکې چنګاښونه د هر څه خوړونکي (omnivores) دي او کله نا کله کرنې ته د پام وړ زیان اړوي. د ډېرو چنګاښونو یو پښه تر نورو پښو غټه وي.

مستطیل ته ورته بدن لري. د امریکا په تودو سیمو او لوېدیځې افریقا کې ژوند کوي. ځینې ډولونه یې ځمکه کې تر ۸ کیلو متره پورې ننوځي. وزن یې تر ۰.۵ کیلوګرامه او اوږدوالی یې تر ۱۱ سانتي متره پورې رسیږي.

---

ساینسي ډلبندي

کېنګډم	ژوي
فایلم	ارتروپوډا
فرعي فایلم	کروستاسیا
کلاس	مالاکوستراکا
ډله	دیکا پودا
له ډلې لاندې	براکیورا
لمړۍ کورنۍ	ګراپسو ایډیا
کورنۍ	ګېکار سېنېډای

---

په ګېکار سېنېډای کورنۍ کې لاندې نسلونه شامل دي :

• Cardisoma
• Discoplax
• Epigrapsus
• Gecarcinus
• Gecarcoidea
• Johngarthia
• Tuerkayana