Hutia – هوتیا

د کپرو مي ایډای کورنۍ (family Capromyidae) غړي دي. د شخوند وهونکو ۲۶ ډولونه دي، ځینې ډولونه یې اوسمهال ژوندي او د ځینو نسل له منځه تللی. کوم چې اوسمهال ژوندي نسلونه لري بدن یې څورب او لنډ غړي لري. واړه یې لکه لنډی هوتیا (dwarf hutia) ډول له ۲۰ تر ۳۰ سانتي متره پورې اوږده دي او غټ یې لکه د (Desmarest’s Cuban hutia) ډول له ۳۲ تر ۶۰ سانتي متره پورې اوږدوالی لري. وزن یې تر ۸ کیلو ګرامه پورې رسیږي. ځینې ډولونه یې ډېره لنډه لکۍ لري خو ځینې اوږده د نښلېدو وړ لکۍ لري.

ډېر په ځمکه ژوند کوونکي دي او تر اوسه یې هېڅ غار وېستونکی ډول نده پېژندل شوی. خپلې ځالې په ونو کې، د ونو د ساقو په دوه خاښیو او ریښو سره کندو کې جوړوي. د ډبرو په چاودونو کې هم ژوند کوي. ځینې د شپې لخوا او ځینې د ورځې لخوا ژوند کوونکي دي. کوم چې په کیوبا کې دي د شپې لخوا فعالیت کوي او ټول په ونه کې ژوند کوونکي دي، ډېر کم وخت د ونې له څوکې لاندې را کوزیږي. د ونو د څانګو په ذریعه له یوې بلې ونې ته ځي.

ساینسي ډلبندي