Marsupial mole – سارایي موږک ته ورته مارسوپیل

د نوتوریکتېس نسل (genus Notoryctes) دوه ډوله تی لرونکي مارسوپیل دي، د نوتو ریکتیدای کورنۍ (family Notoryctidae) غړي دي چې په استرالیا کې ژوند کوي. یو ډول یې د نوتوریکتېس تیفلوپس (Notoryctes typhlops) په نامه یادیږي او د بدن کچه یې تر ۱۸ سانتي متره (۷ انچه) پورې رسېدای شي، بل ډول یې نوتوریکتېس کورنیوس (Notoryctes caurinus) ده چې تر ۱۰ سانتي متره (۴ انچه) پورې اوږده پیدا کیږي. د مخکنیو پښو منګولې یې مثلثي شکل لري او د ځمکې د کیندلو لپاره یې کاروي، سترګې یې کمزورې وده کوي او په اوږدو وېښتو کې پټې وي، د بدن رنګ یې سپینو زرو ته ورته، زېړ، سور یا ګلابي وي. دا ژوي ډېر فعال وي خو له فعالیت وروسته ناڅاپه ویده کیږي. خواړه یې د ځمکې لاندې د ځمکې چونجیان او نور په ځمکه کې اوسېدونکي ژوي دي.