Paulina’s limestone rat – د پاولینا د چونې د ډبرو موږک

په سکساټیلومیس نسل (fenus Saxatilomys) کې یوازینی ډول دی. د ډول علمي نوم یې (Saxatilomys paulinae) دی. اصلي ځای یې مرکزي لاووس او وېتنام دی. په لمړي ځل د لاووس په خاموان ولایت کې د چونې په ډبرو کې موندل شوی وو. د نسل نوم (Saxatilomys) یې له لاتینې کلیمې (saxatilis) او یونانۍ کلیمې (mys) څخه ترکیب شوی، د (saxatilis) مانا یې ” د ډبرو منځ کې ” ده او د (mys) مانا موږک ده. د تنې پاسه برخه یې تېز خړ رنګ او د تنې لاندې برخه یې زېړ رنګ لري. د سر د کوپړۍ او غاښونو ځانګړنې یې د لمړنیو دي. د چونې په هغو ډبرو کې ژوند کوي چې ځنګل کې وي.

ساینسي ډلبندي

کېنګډم	ژوي
فایلم	کورډاټا
کلاس	تی لرونکي
ډله	شخوند وهونکي
کورنۍ	موریډای
فرعي کورنۍ	مورینای
نسل	سکساټیلومیس