Menu

Placental abruption – مخکې له وخته د پلاسنټا له رحم څخه جلا کېدنه

مخکې له وخته د پلاسنټا د رحم له دیوال څخه جلا کېدنه او یا هم په بله مانا مخکې د اولاد له زېږېدو د پلاسنټا له رحم څخه جلا کېدو ته وېل کیږي. عموما د اومیندوارۍ د ۲۵ اوونۍ شاوخوا کې پېښیږي. علایم یې له فرج څخه وینه بهېدل، د ګېډې لاندې برخه کې درد او له خطره ډک ټیټ د وینې فشار دي. په دې وخت کې اومیندواره ښځه ممکن د پښتورګو له ناکافي فعالیت (kidney failure) او یا له (disseminated intravascular coagulopathy) سره مخ شي. ممکن جنین مړ پیدا شي (stillbirth)، ممکن د ډېر کم وزن سره مخکې له مودې وزېږي.
د پلاسنټا بې مودې د رحم له دیوال څخه د جلا کېدو لامل تر اوسه روښانه ندی خو دخانیات، پریکلامپسیا (preeclampsia) کوم چې د اومیندوارۍ یو حالت دی او ځانګړنه یې د وینې لوړ فشار دی، سخت سټرس یا ذهني نا ارامي، مخکې د عملیات له لارې د اولاد زېږېدنه (cesarean section) یې لاملونه ښودل شوي.
که چېرې د پلاسنټا کمه اندازه برخه جلا شوې وي او یا هم د اومیندوارۍ په پېل کې وي نو ممکن یوازې د ارام کولو سپارښتنه ورته وشي خو که چېرې جلا کېدنه د اومیندوارۍ وخت ته نږدې وي نو د اولاد زېږېدنې سپارښتنه ورته کیږي. که هر څه نورمال وي نو ممکن د رحم له لارې اولاد زېږېدنه تر سره شي او یا ممکن عملیات وشي. که چېرې د اومیندوارۍ موده له ۳۶ اوونیو کمه وي نو کورټیکو سترویډ (corticosteroids) ورکول کیږي تر څو د کوچني د سږو وده چټکه کړي.
د پلاسنټا بې مودې جلا کېدنه ۱ په ۲۰۰ اومیندواره ښځو کې امکان لري او ۱۵% د اولاد د مرګ امکان شته وي.
علایم
په پېل کې ممکن کوم علایم څرګند نشي او څرګندېدا یې ممکن ناڅاپه وي. عام علایم یې د عضلاتو پر له پسې درد، له رحم څخه د وینې جریان، د رحم غټېدل، د جنین په خوځښت کې کمی، او د جنین د زړه ضربان کمېدل دي. که چېرې له رحم څخه وینه بهېدل پېل شي رنګ یې ممکن روښانه سور او یا خیره سور وي. که د مور عمر له ۲۰ کم او له ۳۵ زېات وي له زیات خطر سره مخ کیږي.

 

Blausen 0737 PlacentalAbruption
Placental Abruption. Image by Blausen.com staff (2014). “Medical gallery of Blausen Medical 2014“. WikiJournal of Medicine 1 (2). DOI:10.15347/wjm/2014.010. ISSN 2002-4436.
Post Views: 71،813

Comments

This post currently has 2،114 responses

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Last posts

Sidebar
Share
Hide Buttons