Xylyl bromide – ګزیلیل برومیډ – زایلو برومایډ
په انګرېزۍ کې یې نور دوه نومونه (methylbenzyl bromide or T-stoff) دي. ټول هغه عضوي ترکیبونه یا مخلوطونه دي چې مالیکولي فورمول یې C6H4(CH3)(CH2Br) وي. له دې مخلوط څخه پخوا د کیمیاوي وسلې په توګه کار اخیستل کېده او د بلوا ضد پولیسو د اوښکو بهونکې وسلې په توګه کاروه. دا ډول ټول مخلوطونه یا ترکیبونه بې رنګه مایع وي خو سوداګریز مخلوط یا ترکیبونه یې زیړ رنګه رنګ لري.
په لمړي ځل د لمړۍ نړیوالې جګرې په لمړیو میاشتو کې د اوښکو بهونکې وسلې په توګه وکارېده، ځینې تاریخ پوهان لیکي چې د ۱۹۱۴ کال په اګسټ کې په لمړي ځل فرانسویانو پر جرمني پوځیانو د وسلې په توګه کارولي، په ورته وخت کې ځینې نور دعوا کوي چې یاد کارېدلي توکي (ethyl bromoacetate) وو کوم چې فرانسویانو له جګړې وړاندې ازمویلي وو.
د ۱۹۱۵ کال په جنورۍ کې د جرمني پوځ د همدې مخلوط ۱۸۰۰۰ مرمۍ په روسانو د (Battle of Bolimów) په جګړه کې وکارولې، هر یوه مرمۍ ۱۵ سانتي متره وه او تر ۳ کیلو پورې یاد کیمیاوي مخلوط پکې ځای شوی وو. د جرمنانو یاد برید په بشپړ توګه ناکام شو او لامل یې سوړ ژمی وو (په سړه هوا کې د یاد مخلوط ذرې په هوا کې په اسانۍ نه خپریږي) همداسې بادونو یاد کیمیاوي توکي بېرته د جرمنانو په لور والوزول. د ۱۹۱۵ کال په مارچ کې ورته برید د بلجیم په (Nieuwpoort) سیمه وشو خو د لمړي برید په څېر ناکام او بې زیانه وو. زایلو برومایډ په ډېره اسانۍ تولیدیږي او له همدې امله جرمنانو په لمړۍ نړیواله جګړه کې پرېمانه وکارول.
Comments
So empty here ... leave a comment!