Cracked nipple – چاودې شوي د تیانو سرونه
په انګرېز کې ورته (nipple trauma) هم وایي. د تیانو چاودې کېدل په هغو ښځو کې پیدا کیږي چې خپل ماشوم په شېدو تغذیه کوي. د شیدو ورکولو په موده کې د دواړو یا یوه تي په سر کې د درد، وینې جریان، وچوالي او نا ارامۍ لامل ګرځي. کله چې ماشوم له هغې مور څخه چې د تیانو چاودې شوي سرونه لري تی روي مور د سخت درد احساس کوي. ډېر وخت په ښځو کې د اولاد له زېږون وروسته پیدا کیږي. درملنه یې په دواړو کورنیو او د فارمسي په درملو کیږي.
چاودې شوي د تیانو سرونه د تیانو بې نظمي ده. تیان یوازې ماشوم ته د شېدو ورکولو لپاره ندي بلکې په تیانو کې د غوړو ترشح کوونکي مرغړي (sebaceous glands or Montgomery glands) هم موجود دي کوم چې د تي د سر شاوخوا غوړه ساتي. د اولاد له زېږېدو تر ۷ ورځو پورې د تیانو سرونه چاودې کېدلای شي. د تیانو د سرونو په چاودې شوې برخه کې باکتریا هم داخلېدای شي کوم چې د تیانو د مرغړیو د پړسوب لامل کیږي. د کومې مور چې د تیانو سرونه چاودې شوي وي کولای شي خپل ماشوم ته توکسوپلاسما ګوندی (Toxoplasma gondii) انتقال کړي
مخنیوی
د ښځې د تیانو سرونه په طبیعي توګه غوړ پرېږدي تر څو د وچوالي، چاودې کېدو او عفوني کېدو یا میکروبي کېدو مخنیوی وکړي. د مخنیوي لپاره یې لاندې لارښونې پلي کړئ:
۱- د ستیانو په سرونو صابونه مه کاروئ، د وچولو او مینزلو پر وخت یې له سخت لمس ډډه وکړئ
۲ – کله چې خپل ماشوم ته شېدې ورکړی له شېدو ورکولو وروسته د تیانو کمه اندازه شېدې د تیانو په سرونو وموښی: دا چاره د تیانو د سرونو ساتنه کوي
۳ – له لندېدو وروسته د تیانو سرونه وچ وساتئ
درملنه
که چېرې چاودې شوي وي د (Roman chamomile) په نامه د ګلانو تېل یې د درملنې لپاره کاریږي. له دې پرته په لانولین یا د پسونو د وړیو په غوړو (lanolin) یې ۱۰۰% درملنه کیږي. دګلیسیرینو ټوټه (Glycerin nipple pads) هم د تیانو په سرونو کارېدلای شي. د درملنې تر څنګ که چېرې مور ماشوم ته د شېدو ورکولو ته دوام ورکړي هم په درملنه کې مرسته کوي. که چېرې یاد شوي توکي مو ژر ښه نه کړي له ډاکټرې سره هرو مرو وګورئ.
Comments
So empty here ... leave a comment!