Yogurt – مستې
په انګرېزۍ کې (Yoghurt, Yourt, or Yoghourt) هم لیکل کیږي، د خمیرشوو یا تخمیر شوو شیدو نیمه مایع ده. نرم تروش بوي لري او د بوي لامل یې په مستو کې د لکتیک اسیدو (lactic acid) شتون ده. مستې د وزو، مېږو، غواګانو یا میښو له شیدو جوړیږي. په متحده ایالتونو او د اروپا د شمال په مرکزي سیمو کې ډېر شرکتونه د غوا له شیدو مستې جوړوي، په ترکیه کې ډېر خلک د وزې له شیدو جوړې شوې مستې خوښوي، په شرقي اروپا کې بیا ډېر خلک د مېښو له شیدو مستې جوړوي، همداسې تر ټولو زېات د مېښو شیدې کارونکي هند او مصر دي.
د مستو جوړېدنې په لمړي ځل له ترکې سرچینه اخیستې. ترکانو به لمړی شیدې وېشولې – په دې مانا چې هر ډول باکتریا به یې د تودوخې له لارې له شیدو لرې کوله (sterilize). له یخېدو وروسته به یې مستې ورسره ګډولې – شیدې به یې مایه کولې (inoculate) .
سوداګرېزې مستې د غوا له ګرمو شوو شیدو سره د شیدو جامد موادو له ګډېدو جوړیږي. دا مواد د (Streptococcus thermophilus – Lactobacillus bulgaricus – sometimes L. acidophilus – lactose-fermenting yeast) په نومونو یادیږي. له ګډېدو وروسته له ۴ تر ۵ ساعته پورې له ۴۳° تر ۴۴° C تودوخه کې ساتل کیږي. مستې په ټوله نړۍ کې خلک پېژني خو په هره سیمه کې مختلف خواږه توکي پکې اضافه کیږي او په مختلفو توکو معطره کیږي.
Comments
So empty here ... leave a comment!