السټونایټ – Alstonite

بل نوم ېې بروملایټ (Bromlite) ده. د باریم (barium) او کلسیم کاربونېټ (calcium carbonate) منرال (CaBa(CO₃)₂) ده; کمه اندازه سټرونټیم (strontium) ېې هم په ترکیب کې شامل وي. رنګ ېې بې رنګه، روښانه خړ او یا ګلابي وي. روڼ یا نیمه روڼ وي. د کرسټال سیستم ېې اورتورومبیک (orthorhombic) ده کوم چې د اراګونایټ (aragonite) د کرسټال سیستم سره ورته والی لري. السټونایټ د کلسایټ (calcite)، بارایټ (barite) او ویدېرایټ (witherite) سره د کمې تودوخې هایدروتېرمل رسوب په شکل کې پیدا کیږي.

باریټو کلسایټ (Barytocalcite) او پارل سټونایټ (paralstonite) ورته کیمیاوي فورمول لري خو د کرسټال جوړښت ېې له السټونایټ سره توپیر لري. درېواړو ته د ټریمورفوس (trimorphous) نوم اخلي. د السټونایټ د کرسټال سیستم ټریکلینک، د باریټو کلساټ د کرسټال سیستم مونوکلینیک او د پارل سټونایټ د کرسټال سیستم ټریګونل ده. نوم ېې په کال ۱۸۴۱کې اوګوسټ برایټ هوپټ (August Breithaupt) ایښی.

 

عمومي ځانګړنې

 

کاربونېټ منرال	کټګوري
BaCa(CO3)2	فورمول
5.AB.35	د سټرنز طبقه بندي
ټریکلینیک	د کرسټال سیستم
Triclinic	د کرسټال کلاس
نامالوم	د واټن ګروپ
a = 17.38, b = 14.40 c = 6.123 [Å]; α = 90.35° β = 90.12°, γ = 120.08°; Z = 24	د حجرې واحد

پېژندنه

 

د واورې په څېر سپین، بې رنګه، زېړ رنګه خړ، زېړ رنګه کریمي، ګلابي زېړ، ګلابي سور	رنګ
نا برابره، نا مساوي  uneven	ماتېدنه
4 – 4.5	کلکوالی (mohs)
ښیښه اي	ځلا (luster)
سپینه	خط یا کرښه (streak)
روڼ تر نیمه روڼ	روڼتیا یا شفافیت (Diaphaneity)
3.70	ځانګړی وزن (Specific gravity)
دوه محوره Biaxial (-)	نوري ځانګړتیاوې (Optical properties)
nα = 1.526 nβ = 1.671 nγ = 1.672	د انکسار شاخص (Refractive index)
δ = 0.146	دوه ګونی انکسار (Birefringence)
6° اندازه شوې، 8° حساب شوې	2V زاویه