Aspirin – اسپیرین
اسپرین د (acetylsalicylic acid ASA) په نامه هم پېژندل کیږي، د تبې، درد او پړسوب لپاره کاریږي. ځانګړی پړسوب د کوم د درملنې لپاره چې اسپرین کاریږ د (Kawasaki disease, pericarditis, and rheumatic fever) په نومونو یادیږي. که چېرې اسپرین د زړه له حملې وروسته ژر ناروغ ته ورکړل شي د مرګ خطر کموي. اوږدمهاله کارونه یې د زړه د حملې د مخنیوي, ایسکیمیک مغزي سکته (ischaemic strokes), د وینې د لخته کېدو (blood clots) لپاره کاریږي. ممکن د سرطان ځینې ډولونه خطر هم کم کړي په ځانګړې توګه د غټې کلمې سرطان (colorectal cancer). د تبې او درد لپاره په ۳۰ دقیقو کې اغیز کوي.
یو نامطلوبه اغیز یې د معدې درد پیدا کول دي. ډېر جدي بد اغیز یې د معدې زخم، له معدې څخه د وینې جریان او نفس تنګي ده. کوم خلک چې الکول څکي، عمر یې زیات وي له معدې څخه یې د وینې د جریان خطر زیات وي.
د اومیندوارۍ په اخري موده کې د اسپیرین ورکولو سپارښتنه نه کیږي، ماشومانو ته چې عفوني شوي د ورکولو سپارښتنه نه کیږي ځکه چې د (Reye syndrome) پیدا کولو خطر لري. که چېرې له حده زیات وکارول شي ممکن غوږونو کې کړنګاری پیدا کړي.
Rheumatic fever
د پړسوب یوه ناروغي ده په کومه چې په زړه، عضلاتو، مفصلونو او مغز باندې اغیز کوي.
Pericarditis
د پیریکاردیم (pericardium) پړسوب ده، پیریکاردیم فایبري کڅوړه ده چې زړه یې پوښلی وي. علایم یې نا څاپه د سینې په قفس کې درد پیدا کېدل دي.
Kawasaki disease
د (mucocutaneous lymph node syndrome) په نامه هم یادیږي، یوه ناروغي ده په کومه کې چې د وینې رګونه په ټول بدن کې پړسوب پیدا کوي. تر ټول عام علایم یې تبه ده کومه چې تر پنځه ورځو پورې دوام کوي او درمل یې تبه نشي کموالی.
Comments
So empty here ... leave a comment!