Monsoon
د بادونو عمده سیستم کوم چې هر شپږ میاشتو کې خپل لوری بر عکس کوي. شپږ میاشتې د شمال ختیځ لخوا لګیږي او شپږ میاشتې د سوېل لوېدیځ لخوا لګیږي. تر ټولو دومداره برخه یې د اسیا په سوېل کې، استرالیا، افریقا او د مرکزي امریکا په ارام سمندر کې ده. په متحده ایالتونو، مرکزي اروپا او د فارس خلیج په سمندر غاړو کې هم را څرګندیږي. په اوړي کې له سمندر څخه د وچې لور او په ژمي له وچې د سمندر لور ته الوزي. په اوړي کې درانده بارانونه له ځانه سره راوړي. په هر کال کې د باران دوام او کچه خپله کې توپیر لري
کوم حدود یې چې د قطب لور ته نږدې دي په لوري کې یې چټک غبرګون رامنځته کیږي. په هند کې د بېلګې په توګه د مون سون بادونه په جون او اګست کې له سوېل ختیځ او شمال لور ته د هند له ختیځ څخه الوزي. د استرالیا شمال ته جنورۍ او فېبرورۍ کې د استرالیا له شمال لوېدیځ څخه لګیږي او د استرالیا په سوېل کې ختیځ لور ته خپل لوری بدلوي.
د موسون بادونو د سیستم له سیمو بهر هم په اقلیم اغیز کوي د بېلګې په توګه په مرکزي اروپا کې په دوامداره توګه نه لګیږي خو دې سیمه ته له ځان سره سوړ باد، ورېز لرونکې هوا، باران، تالانده او برېښنا راولي.
Comments
So empty here ... leave a comment!